12.08.2026 | 10:55
Պուտինն ազատ է արձակել ամերիկացի նախկին ծովային հետևակային Ռոբերտ Գիլմանին
Ռուսական զորքերը հարվածել են Խարկովին և Դնեպրին․ տուժածներ և ավերածություններ կան
Քաղաքականություն
26.02.2024 | 13:38
Փետրվարի 26-ի գիշերը ռուս զինվորականները հարվածներ են հասցրել Ուկրաինայի տարածքին։ Պայթյուններ են լսվել Խարկովում և Դնեպրում, իսկ Զապորոժիեի և Դնեպրոպետրովսկի շրջաններում օդային հարվածի տագնապ է հայտարարվել։ Տեղի իշխանությունները հայտնում են, որ կան տուժածներ և ավերածություններ, գրում է Current Time-ը:
Ռուսական բանակի կողմից ձեռնարկված անօդաչու սարքերի գրոհի հետևանքով Դնեպրում մասնավոր հատվածում ավերածություններ են տեղի ունենում։
«Հրետակոծությունից հետո ավերածություններ կան մասնավոր հատվածում՝ տանիքներ, շենքի դիմային հատվածներ, պատուհաններ»,- գրել է Դնեպրի քաղաքապետ Բորիս Ֆիլատովը Telegram-ի իր ալիքում։
Ըստ Ֆիլատովի՝ երկու մարդ վիրավորվել է։
Դնեպրոպետրովսկի շրջանային վարչակազմի ղեկավար Սերգեյ Լիսակն էլ գրել է չորս տուժածի մասին։
«Մարզկենտրոնի բնակելի հատվածում տուժել է 10 առանձնատուն և մի քանի ավտոմեքենա, վիրավորվել են 41 և 49 տարեկան տղամարդիկ, 20 և 60 տարեկան կանայք, բոլորը հիվանդանոցում են։ Հակառակորդը կրկին զենքն ուղղում է դեպի խաղաղ քաղաքներ»,- գրել է Սերգեյ Լիսակը:
