19.05.2024 | 17:27
Արարատ Միրզոյանը մայիսի 20-ին աշխատանքային այցով կմեկնի Վիեննա
«Ահեղ դատաստանի», կրոնական սփոփանքի և ինքնությունը կորցնելու մասին. ապաքաղաքական զրույց Վարդան Խաչատրյանի հետ. ՏԵՍԱՆՅՈՒԹ
Հաղորդաշարեր
25.02.2024 | 21:02
Factor TV-ի A-politic հաղորդաշարի հյուրն է կրոնագետ, փիլիսոփա, ընկերաբան Վարդան Խաչատրյանը: Նրա կարծիքով՝ գաղափարախոսություններն այս կամ այն չափով ազդվում են կրոնական ուսմունքներից: Բայց, ի վերջո, դրանցից ոչ մեկը չի կարող մրցել կրոնի հետ, որը բացի հեռանկարի տեսլականից՝ տալիս է նաև սփոփանք և ներքուստ կատարելագործվելու հնարավորություն: «Ահեղ դատաստանի» գաղափարը մի շարք կրոններում, ի վերջո, հանգում է այդ ինքնահաղթահարման հրամանականին:
Խոսելով առանձին երկներում պետականության հիմքում դրված կրոնական գաղափարների մասին՝ հաղորդման հյուրը նշում է, որ շատ դեպքերում դա մի յուրահատուկ «փրկօղակ» է, որի հիման վրա պետությունը կառուցում է իր պատումները:
Իսկ ո՞րն է Հայաստանի «փրկողակը»: Պատասխանելով այդ հարցին՝ կրոնագետը նշում է, որ մեզ համար վճռական նշանակություն ունի ազգային ինքնության պահպանումը, առաջին հերթին՝ հայոց լեզուն: Այդ առիթով Վարդան Խաչատրյանը հիշում է, որ Վիկտոր Համբարձումյանն աստղաֆիզիկայի ասպիրանտների հայոց լեզվի քննությունն անձամբ էր ընդունում: Ակադեմիկոսը դա բացատրում էր նրանով, որ լեզուն մտածողության մեթոդ է, և Հայաստանին պետք են հենց հայոց լեզվով մտածող գիտնականներ:
Մանրամասները՝ տեսանյութում:
Արամ Աբրահամյան
