12.08.2026 | 10:13
Մեր աշակերտները արհեստական բանականության միջազգային օլիմպիադայում թիմային պայքարում 5-րդ տեղն է զբաղեցրել. ԿԳՄՍ նախարար
Վրաստանի իշխանությունները բացառում են Միխեիլ Սաակաշվիլիի վաղաժամկետ ազատ արձակումը
Քաղաքականություն
23.02.2024 | 16:04
Վրաստանի իշխանությունները բացառում են Միխեիլ Սաակաշվիլիի վաղաժամկետ ազատ արձակումը։ Պետության նախկին ղեկավարը պետք է ամբողջությամբ կրի իր պատիժը, կարծում են իշխող կուսակցությունում, գրում է Վեստնիկ Կավկազան։
Վրաստանի նախկին նախագահ Միխեիլ Սաակաշվիլին կարող է բանտից դուրս գալ միայն ամբողջ պատիժը կրելուց հետո, հայտարարել է իշխող կուսակցության գլխավոր քարտուղար, Թբիլիսիի քաղաքապետ Կախա Կալաձեն։
«Սաակաշվիլին մարդ է, որը ծանր հանցագործություն է կատարել իր երկրի և ժողովրդի դեմ: Պատկերացրեք, թե քանի բանտարկյալներ են իրենց պատիժը կրում: Ես վստահ եմ, որ շատ ուրիշներ շատ ավելի քիչ հանցագործություններ են կատարել: Սաակաշվիլին հաստատ ազատ կարձակվի, բայց միայն իր կատարած հանցագործությունների համար պատիժը կրելուց հետո»,-ասել է Կալաձեն։
Միաժամանակ, նա երկրի նախագահին զգուշացրել է՝ խուսափել 2021 թվականի հոկտեմբերից անազատության մեջ գտնվող երկրի նախկին ղեկավարին հնարավոր ներում շնորհելուց։
«Ես չգիտեմ, թե ինչ որոշում կկայացնի Սալոմե Զուրաբիշվիլին, սակայն կարծում եմ՝ նա հիանալի հասկանում է, թե որքան ծանր կարող է լինել Սաակաշվիլիի ներումը անձամբ իր համար»,- ասել է Կալաձեն։
