17.12.2025 | 23:17
ԵՄ-ն կոչ է անում Թբիլիսիին ազատ արձակել անօրինական ձերբակալվածներին
ՌԴ-ն հրթիռներով և ԱԹՍ-ներով հարվածներ է հասցրել Ուկրաինային. Դնեպրում և Օդեսայում մարդկային կորուստներ ու վիրավորներ կան
Քաղաքականություն
23.02.2024 | 14:10
Փետրվարի 23-ի գիշերը ռուսական զորքերը հարձակվել են Ուկրաինայի վրա՝ 31 «Շահեդ» տիպի գրոհային անօդաչու թռչող սարքերով, կառավարվող С-300 երեք հրթիռներով, «X-22» երկու թևավոր հրթիռներով և «X-31 П» հակատեղորոշիչ հրթիռով։ Current Time-ի փոխանցմամբ՝ այս մասին հայտնել է Ուկրաինայի զինված ուժերի ՌՕՈՒ հրամանատարությունը։
Ըստ ուկրաինացի զինվորականների՝ հրթիռներն ու անօդաչու թռչող սարքերն արձակվել են Ռուսաստանի Կրասնոդարի երկրամասի Պրիմորսկ-Ախտարսկից, բռնակցված Ղրիմից, Դոնեցկի մարզից և Սև ծովից։ ՀՕՊ ուժերն Օդեսայի, Նիկոլաևի, Պոլտավայի, Դնեպրոպետրովսկի և Խարկովի մարզերում 23 անօդաչու թռչող սարք են խոցել։
Օդեսայում անօդաչուներից մեկն ընկել է քաղաքի ափամերձ գոտում գտնվող ձեռնարկության վրա, ինչի հետևանքով հրդեհ է բռնկվել։ Երեք մարդ է մահացել, ասել է շրջանային վարչակազմի ղեկավար Օլեգ Կիպերը։
Դնեպրում հրթիռն ընկել է բազմահարկ բնակելի շենքի վրա։ Ութ մարդ վիրավորվել է, նրանցից երկուսը շարունակում են մնալ հիվանդանոցում, մնացածը բուժվելու են ամբուլատոր հիմունքներով, հայտնել է Դնեպրոպետրովսկի շրջանային վարչակազմի ղեկավար Սերգեյ Լիսակը։ Նրա խոսքով՝ վնասվել է նաև մեկ ձեռնարկություն։
