12.08.2026 | 10:55
Պուտինն ազատ է արձակել ամերիկացի նախկին ծովային հետևակային Ռոբերտ Գիլմանին
Բայդենը Պուտինին անվանել է «խելագար շանորդի»
Քաղաքականություն
22.02.2024 | 13:52
ԱՄՆ նախագահ Ջո Բայդենը Սան Ֆրանցիսկոյում նախընտրական դրամահավաքի ժամանակ ՌԴ նախագահ Վլադիմիր Պուտինին անվանել է «խելագար շանորդի», գրում է Reuters-ը։
Դոնորների փոքր խմբի մասնակցությամբ հավաքին ունեցած ելույթում Բայդենն ասել է, որ միջուկային հակամարտության սպառնալիքը միշտ առկա է, բայց կլիման մնում է մարդկության գոյության սպառնալիքը:
«Վերջին գոյաբանական սպառնալիքը կլիման է։ Մենք ունենք խելագար շանորդի, այդ տղան՝ Պուտինն ու մյուսները։ Մենք միշտ պետք է անհանգստանանք միջուկային հակամարտության մասին, բայց մարդկության համար գոյաբանական սպառնալիքը կլիման է»,- ասել է Բայդենը:
Լրատվամիջոցը գրում է, որ Բայդենի բանավոր հարձակումները Պուտինի դեմ կտրուկ ակտիվացել են։ Անցյալ շաբաթ ԱՄՆ նախագահը մեղադրել էր Պուտինին ընդդիմության առաջնորդ Ալեքսեյ Նավալնիի մահվան մեջ։ Երեքշաբթի Բայդենը ասել էր, որ ԱՄՆ-ը կհայտարարի Ռուսաստանի դեմ պատժամիջոցների մեծ փաթեթի մասին՝ Նավալնիի մահվան և ուկրաինական պատերազմի պատճառով:
