Նիկոլայ Բաղդասարյանը կբողոքարկի իր արտոնագրի կասեցման որոշումը

«Ուզում եմ անկեղծ լինել, ՀՀ փաստաբանների պալատի խորհրդի անդամներից ավելին չեմ էլ սպասել, պարտադիր այս որոշումը կբողոքարկեմ դատարան»։ Այդ մասին իր ֆեյսբուքյան էջում գրառել է փաստաբան Նիկոլայ Բաղդասարյանն ում փաստաբանական գործունեության արտոնագիրը կասեցվել է:

«Ցավում եմ, որ չկարողացավ Արա Զորաբյանը վեր կանգնել անձնական իր շահերից։ Իսկ հիմնավորումները կտեղադրեմ պարտադիր կհրապարակեմ, որ որևէ մեկի մոտ կասկած չմնա, որ ՀՀ փաստաբանների պալատի որոշումն անօրինական է»,- ասվում է Բաղդասարյանի գրառման մեջ։

Փաստաբանը նաև հրապարել է ՀՀ փաստաբանների պալատի աշխատակազմի ղեկավար Մանե Կարապետյանին ուղղված պատասխան գրառումը, որը ևս ներկայացում ենք աբողջությամբ.

«Ի պատասխան Ձեր 20.07.2018 թվականի թիվ 05/04/104 4-18 գրության, որը փոստային առաքման ծրարի վրա կատարված գրառման համաձայն ստացել եմ 23.07.2018 թվականին (ծրարի պատճենը կից ներկայացնում եմ).

Ձեր գրության մեջ նշել եք, որ «2018 թվականի ապրիլի 9-ից ուժի մեջ մտած և ներկայումս գործող «Հանրային ծառայության մասին» օրենքի մի շարք նորմերից բխում է, որ վարչապետի խորհրդականի պաշտոնը հանդիսանում է հանրային պաշտոն, որը զվաղեցնելն անհամատեղելի է համարվում փաստաբանական գործունեության հետ և հիմք է հանդիսանում փաստաբանական գործունեության արտոնագրի կասեցման համար»:

Ձեր գրության մեջ մատնանշած օրենքի մի շարք նորմերը չի կարող բխի, որ ես հանրային ծառայող եմ, քանի որ ես այդպիսին չեմ հանդիսանում:

Այսպես.

27.06.2018 թվականի ՀՀ վարչապետի թիվ 845 որոշմամբ ես նշանակվել եմ վարչապետի խորհրդական` հասարակական հիմունքներով:
«Փաստաբանության մասին» ՀՀ օրենքի 38-րդ հոդվածի 1-ին մասի 4-րդ ենթակետի համաձայն. «Փաստաբանի արտոնագրի գործողությունը կասեցվում է, եթե փաստաբանը` անցել է հանրային ծառայության` պետական ծառայության, համայնքային ծառայության մեջ գտնվելու ժամկետով, բայց ոչ ավելի, քան 5 տարի ժամկետով».

Վերը նշված հոդվածի առկա բառերի և արտահայտությունների տառացի մեկնաբանությունից հետևում է, որ փաստաբանի արտոնագրի գործողությունը կասեցվում է, եթե փաստաբանը անցել է հանրային ծառայության և նա հանդիսանում է պետական կամ համայնքային ծառայող:
«Հանրային ծառայության մասին» օրենքի 3-րդ հոդվածի 1-ին մասի համաձայն. «Հանրային ծառայությունը հանրային իշխանության մարմիններին Հայաստանի Հանրապետության Սահմանադրությամբ և օրենքներով վերապահված լիազորությունների իրականացումն է, որն ընդգրկում է պետական ծառայությունը, համայնքային ծառայությունը և հանրային պաշտոնները»:

«Հանրային ծառայության մասին» օրենքի 3-րդ հոդվածի 6-րդ մասի համաձայն. «Հանրային ծառայության պաշտոն զբաղեցնող կամ օրենքով սահմանված դեպքերում և կարգով պետական կամ համայնքային ծառայության կադրերի համապատասխան ռեզերվում գտնվող անձը համարվում է հանրային ծառայող»:

«Հանրային ծառայության մասին» օրենքի 4-րդ հոդվածի 2-րդ մասի համաձայն. «Հանրային պաշտոնը դասակարգվում է խմբերի՝ պետական և համայնքային»:

«Հանրային ծառայության մասին» օրենքի 4-րդ հոդվածի 3-րդ մասի համաձայն. «Պետական պաշտոնները դասակարգվում են տեսակների՝ քաղաքական, վարչական, ինքնավար և հայեցողական»:

«Հանրային ծառայության մասին» օրենքի 4-րդ հոդվածի 4-րդ մասի համաձայն. «Համայնքային պաշտոնները դասակարգվում են տեսակների՝ քաղաքական, վարչական և հայեցողական»:

Վերը նշված հոդվածների համակարգային վերլուծությունից և դրանցում առկա բառերի և արտահայտությունների տառացի մեկնաբանությունից հետևում է, որ հանրային ծառայողը` պետական կամ համայնքային պաշտոնատար անձն է: Այսինքն, եթե անձը չի համարվում պաշտոնատար անձ նա չի կարող հավարվել պետական կամ համայնքնային ծառայող, հետևաբար նաև գտնվել համայնքային ծառայության մեջ:

«Հանրային ծառայության մասին» օրենքի 8-րդ հոդվածի 10-րդ մասի համաձայն. «Հանրապետության նախագահը և վարչապետը կարող են ունենալ նաև հասարակական հիմունքներով նշանակված խորհրդականներ: (…) Հասարակական հիմունքներով նշանակված խորհրդականները պաշտոնատար անձինք չեն: Հասարակական հիմունքներով նշանակված խորհրդականները չեն վարձատրվում, չունեն նորմավորված աշխատանքի և աշխատաժամանակի ռեժիմ: Հասարակական հիմունքներով նշանակված խորհրդականները մասնագիտական խորհրդատվություն են տրամադրում հասարակական հարաբերությունների որոշակի բնագավառի վերաբերյալ (…) »:

Այսինքն, հասարակական հիմունքներով նշանակված խրհրդականն ի տարբերություն ոչ հասարակական հիմունքների խորհրդականի չի հանդիսանում պաշտոնատար անձ, հետևաբար նաև չի հանդիսանում պետական կամ համայնքնային ծառայող, հետևաբար նաև չի գտնվում համայնքային ծառայության մեջ:

«Հանրային ծառայության մասին» օրենքը բազմաթիվ դրույթներ է պարունակում, որոնք վերաբերվում են հանրային ծառայողի երաշխիքներին, սոցիալական արտոնությունների, կարգավիճակին, որոնք որևէ կերպով չեն վերաբերվում հասարակական հիմունքներով խորհրդականին:
Չի կարող հասարակական հիմունքներով խորհրդականը համարվել համրային ծառայող և որևէ կերպ չօգտվել հանրային ծառայողին վերապահված երաշխիքներին և արտոնություններից, չկրել հանրային ծառայողին օրենքով վերապահված իրավունքներ և պարտականություններ:

Կարելի է ևս տասնյակ հիմնավորումներ ներկայացնել, թե ինչու ես չեմ հանդիսանում հանրային ծառայող, սակայն հույսով եմ, որ ներկայացված հիմնավորումները բավարար են այդպիսիք ընդունելու համար»,- ասվում է գրառման մեջ: