15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Ալիևը Մյունխենից մեկնել է Թուրքիա
Քաղաքականություն
19.02.2024 | 10:31
Ադրբեջանի նախագահ Իլհամ Ալիևը Մյունխենից, որտեղ մասնակցում էր անվտանգության համաժողովին, այցով շտապել է Թուրքիա։
Ադրբեջանական լրատվամիջոցների փոխանցմամբ՝ Ալիևը Թուրքիայի նախագահ Ռեջեփ Թայիփ Էրդողանի հրավերով պաշտոնական այցով ժամանել է Անկարա։ Ալիևին ու Մեհրիբան Ալիևային օդանավակայանում դիմավորել են Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն և այլ պաշտոնյաներ։
Փետրվարի 7-ին կայացած արտահերթ նախագահական ընտրություններից հետո սա Ալիևի առաջին այցն է Թուրքիա։
Հիշեցնենք, որ ԵԱՀԿ/ԺՀՄԻԳ դիտորդական առաքելության ներկայացուցիչները նախնական դիտարկումներով՝ արտահերթ նախագահական ընտրություններն անցել են սահմանափակ միջավայրում, և թեև ընտրությունների նախապատրաստական աշխատանքներն արդյունավետ կառավարվել են, սակայն դրանք աչքի են ընկել քաղաքական այլընտրանքների, մրցակցության բացակայությամբ և լրջագույն ընտրախախտումներով։
