Քաղաքականություն
18.02.2024 | 22:34
Եվրախորհրդարանի 13 պատգամավորներ կոչ են արել Ֆուտբոլի միջազգային ասոցացիաների ֆեդերացիային (ՖԻՖԱ) և Եվրոպական ֆուտբոլային ասոցիացիաների միությանը (ՈՒԵՖԱ) «անհապաղ վտարել Իսրայելի ֆուտբոլի ազգային հավաքականին և իսրայելական ակումբներին եվրոպական և միջազգային բոլոր մրցումներից մինչև այս ցեղասպանության ավարտը»։ Այս մասին ասվում է Inside World Football-ում հրապարակված պատգամավորների նամակում։
«Ե՛վ ՖԻՖԱ-ն, և՛ ՈՒԵՖԱ-ն հայտարարում են, որ ֆուտբոլի միջոցով քարոզում են հավասարություն, հարգանք մարդու իրավունքների նկատմամբ: Այս ամենը ակնհայտորեն ոտնահարվում է Գազայի հատվածում: Ֆուտբոլը չի կարող օգնել օրինականացնել Պաղեստինի ժողովրդի օկուպացիան և բնաջնջումը»:
ՈՒԵՖԱ-ի գլխավոր քարտուղար Թեոդոր Թեոդորիդիսը վերջերս կայացած մամուլի ասուլիսում պնդում էր, որ Իսրայելը, ի տարբերություն Ռուսաստանի, բոլորովին այլ դեպք է: «ՈւԵՖԱ-ի ղեկավարության կողմից նման քննարկում կամ մտադրություն չի եղել»,- ասել է Թեոդորիդիսը:
