12.08.2026 | 13:37
Նախագահը Մասիս Մելքոնյանին դատավոր նշանակելու հրամանագիրը չէր ստորագրել, բայց դա ձեզ հետաքրքիր չի. Վարդևանյան․ ՏԵՍԱՆՅՈՒԹ
Պուտինն ափսոսանք է հայտնել, որ «ՌԴ-ն ավելի վաղ գործողություններ չի ձեռնարկել Ուկրաինայում»
Քաղաքականություն
15.02.2024 | 12:24
Ռուսաստանի նախագահ Վլադիմիր Պուտինն ափսոսում է, որ Ռուսաստանն ավելի վաղ չի սկսել ակտիվ գործողություններն Ուկրաինայում։ Այս մասին նա հայտարարել է լրագրող Պավել Զարուբինին տված հարցազրույցում, որից հատված է հրապարակվել Կրեմլի Telegram-ալիքում։
«Միակ բանը, ինչի համար կարող ենք ափսոսալ, այն է, որ մենք ավելի վաղ չսկսեցինք մեր ակտիվ գործողությունները՝ համարելով, որ գործ ունենք պարկեշտ մարդկանց հետ»,- ասել է Պուտինը։
Ըստ նրա՝ առաջին փուլում Մոսկվան փորձել է լուծել Դոնբասի հակամարտությունը «խաղաղ միջոցների օգնությամբ՝ Մինսկի համաձայնագրերով»։
«Ինչպես հետո պարզվեց՝ այստեղ էլ մեզ քթից բռնած տանում էին, քանի որ և՛ Գերմանիայի նախկին կանցլերը, և՛ Ֆրանսիայի նախկին նախագահը խոստովանեցին և հրապարակայնորեն հայտարարեցին, որ մտադիր չէին կատարել պայմանավորվածությունները։ Նրանք պարզապես ժամանակ էին շահում՝ ուկրաինական ռեժիմին լրացուցիչ զենքով ապահովելու համար, ինչը հաջողությամբ արեցին»,- եզրափակել է ՌԴ նախագահը։
