12.08.2026 | 12:41
Ալիևը հայտարարել է, թե Նախիջևանի հետ ցամաքային կապն Ադրբեջանի «վաղեմի երազանքն» է
Ադրբեջանում տեղի է ունեցել Ալիևի երդմնակալության արարողությունը
Քաղաքականություն
14.02.2024 | 12:30
Ադրբեջանի Միլլի Մեջլիսում տեղի է ունեցել փետրվարի 7-ին կայացած արտահերթ նախագահական ընտրություններում հաղթած Իլհամ Ալիևի երդմնակալության արարողությունը, գրում են տեղական լրատվամիջոցները։
«Ադրբեջանի Հանրապետության նախագահի լիազորություններն իրականացնելիս ես երդվում եմ, որ հետևելու եմ Սահմանադրությանը, պաշտպանելու պետության անկախությունն ու տարածքային ամբողջականությունը և արժանապատվորեն կծառայեմ ժողովրդին»,- Սահմանադրության և Ղուրանի վրա երդվել է Ալիևը։
Այսօր սպասվում է Ադրբեջանի կառավարության հրաժարականը։
Հավելենք, որ նախօրեին Ադրբեջանի Սահմանադրական դատարանը պաշտոնապես հաստատել էր ընտրությունների Ալիևի հաղթանակը։ Ըստ ՍԴ որոշման՝ Կենտրոնական ընտրական հանձնաժողովի ամփոփիչ արձանագրության համաձայն՝ նախագահական ընտրություններում հաղթել է Իլհամ Ալիևը՝ հավաքելով ձայների 92,12 տոկոսը։ Ընտրություններին մասնակցել է 4մլն 967,795 ընտրող։
Ադրբեջանում ընտրություների քվեարկությունն ուղեկցվել է զանգվածային ընտրախախտումներով, որն արձանագրել են նաև ԵԱՀԿ/ԺՀՄԻԳ դիտորդական առաքելության ներկայացուցիչները։
Էմմա Չոբանյան
