13.12.2025 | 17:30
Մբապեն տրանսֆերային արժեքով հավասարվել է Հոլանդին ու Յամալին
Մոսկվան ՀՀ-ին և Ադրբեջանին զսպավածության կոչ է անում․ Պեսկովը՝ Բաքվի հերթական ագրեսիայի մասին
Քաղաքականություն
13.02.2024 | 14:39
Մոսկվան Երևանին ու Բաքվին զսպվածության կոչ է անում այսօր տեղի ունեցած իրավիճակի սրման կապակցությամբ և հույս հայտնում, որ խաղաղության պայմանագրի պատրաստման գործընթացը կշարունակվի։ Այս մասին ասել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։
«Իհարկե, տագնապալի նորություններ են, որոնք գալիս են շփման գծից։ Մենք երկու կողմերին կոչ ենք անում զսպվածություն դրսևորել, ամեն կերպ խուսափել ցանկացած գործողությունից, որը մյուս կողմը կարող է սադրիչ համարել։ Մենք շատ ուշադիր հետևելու ենք և կշարունակենք մեր շփումները երկու կողմերի հետ»,- ասել է նա։
Պեսկովի խոսքով՝ «նման միջադեպերը նվազագույնը չեն նպաստում գործընթացի առաջխաղացմանը և խաղաղության պայմանագրի ստորագրման մոտեցմանը»։
«Բայց մենք հուսով ենք, որ այս գործընթացը կշարունակվի»,- նշել է Կրեմլի խոսնակը։
Հիշեցնենք՝ ՀՀ ՊՆ-ն ավելի վաղ հայտնել էր, որ փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ են բացել Ներքին Հանդի հատվածում տեղակայված հայկական դիրքերի ուղղությամբ:
ՊՆ-ի տեղեկատվությամբ՝ Ադրբեջանի ագրեսիայի հետևանքով հայկական կողմն ունի 4 զոհ և 1 վիրավոր։
Ավելի ուշ Բաքուն պաշտոնապես ընդունել է, որ Հայաստանի ինքնիշխան տարածքի՝ Սյունիքի մարզի Ներքին Հանդի հատվածում հայկական դիրքերի ուղղությամբ հերթական ագրեսիան է իրականացրել։
Էմմա Չոբանյան
