23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ինչ իրավիճակ է Ներքին Հանդում․ վարչական շրջանի ղեկավարը մանրամասներ է պատմում
Քաղաքականություն
13.02.2024 | 09:51
«Գյուղում այս պահին հանգիստ ա, կրակոցները մի 2 ժամ կլինի, որ դադարել են»,- այս մասին FactorTV-ի հետ զրույցում ասաց Ներքին Հանդ վարչական շրջանի ղեկավար Խաչատուր Բաղդասարյանը։
Հիշեցնենք՝ այսօր լուսադեմից՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ են բացել Ներքին Հանդի հատվածում տեղակայված հայկական դիրքերի ուղղությամբ, ինչի հետևանքով, նախնական տվյալներով, հայկական կողմն ունի 2 զոհ և վիրավորներ։
«Գիշերը 3-4-ի արանքներն է սկսել լսվել կրակոցները, մի երկու ժամ է տևել»,- ասաց վարչական շրջանի ղեկավարը։
FactorTV-ի հարցին, թե արդյոք վիրավորները և զոհերը գյուղից են, Բաղդասարյանը բացասական պատասխան տվեց․ «Զինծառայողներ են»։ Մեկ այլ ճշտող հարցի՝ շենք-շինություններն արդյո՞ք վնաս կրել են կրակոցներից, Ներքին Հանդի ղեկավարը պատասխանեց․ «Այս պահին նման տվյալներ չունենք, բնակիչների շրջանից ահազանգեր չեն եղել»։
Ռոզա Վարդանյան
