03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Բրյուսելում տեղի կունենա ԵՄ-Հայաստան գործընկերության խորհրդի նիստը՝ Բորելի և Միրզոյանի գլխավորությամբ
Քաղաքականություն
09.02.2024 | 13:17
Բրյուսելում փետրվարի 13-ին տեղի է ունենալու ԵՄ-Հայաստան գործընկերության խորհրդի 5-րդ հանդիպումը։ Այս մասին ասվում է Եվրոպական խորհրդի տարածած հաղորդագրության մեջ։
Նշվում է, որ հանդիպումը մեկնարկելու է Բրյուսելի ժամանակով 11։30-ին։ Անդրադարձ է լինելու երկկողմ հարաբերություններին և քաղաքական հարցերին։
«ԵՄ-ն և Հայաստանը մտքեր կփոխանակեն ԵՄ-Հայաստան Համապարփակ և ընդլայնված գործընկերության համաձայնագրի և ԵՄ-Հայաստան Գործընկերության առաջնահերթությունների իրականացման վիճակի, ինչպես նաև ԵՄ-Հայաստան Գործընկերության օրակարգի ավելի հավակնոտ ծրագրին շարժվելու հնարավորության շուրջ: Նրանք նաև կքննարկեն քաղաքական երկխոսությունը և բարեփոխումները, ժողովրդավարությունը, օրենքի գերակայությունը և մարդու իրավունքները, տնտեսական, առևտրային և ոլորտային համագործակցությունը, ինչպես նաև միգրացիան, շարժունակությունը և վիզայի ազատականացման երկխոսության մեկնարկի հեռանկարները»,- ասվում է հաղորդագրության մեջ։
Նշվում է, որ մասնակիցները նաև կարծիքներ են փոխանակելու քաղաքական հարցերի շուրջ, այդ թվում՝ տարածաշրջանային, արտաքին ու անվտանգային քաղաքականության։
Գործընկերության խորհուրդը նախագահելու է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը։ Հայկական պատվիրակությունը գլխավորելու է ՀՀ արտաքին գործերի նախարար Արարատ Միրզոյանը։
