16.12.2025 | 14:54
Զելենսկին հաստատել է, որ Ուկրաինան, ԱՄՆ-ն ու Եվրոպան Բեռլինում համաձայնության են եկել անվտանգության երաշխիքների շուրջ
Ֆինլանդիան ՌԴ-ի հետ սահմանի փակումը երկարաձգել է մինչև ապրիլի 14-ը
Քաղաքականություն
08.02.2024 | 21:18
Ֆինլանդիայի կառավարությունը որոշել է երկարաձգել Ռուսաստանի հետ սահմանի փակումը մինչև ապրիլի 14-ը։ Այս մասին հայտարարել է Ֆինլանդիայի ՆԳՆ-ն, գրում է RT-ն։
«Պետական խորհուրդը որոշել է, որ Ֆինլանդիայի և Ռուսաստանի միջև ցամաքային սահմանային անցումները փակ կլինեն մինչև 2024 թվականի ապրիլի 14-ը», – ասվում է հայտարարության մեջ։
Միաժամանակ, Ֆինլանդիայի ՆԳՆ ղեկավարը մեղադրել է Ռուսաստանին այն բանի համար, որ սահմանի մոտ ռուսական կողմում ապրում են «առնվազն հարյուրավոր և, հնարավոր է, հազարավոր միգրանտներ, ովքեր սպասում են իրենց ճանապարհը դեպի Ֆինլանդիա շարունակելու հնարավորությանը»։
Ավելի վաղ Հելսինկիում ՌԴ դեսպան Պավել Կուզնեցովը հայտարարել էր, որ Ռուսաստանը Ֆինլանդիայի կողմից սահմանային անցակետերի փակումը համարում է հարաբերությունների ամբողջական խզման քայլ։
