01.05.2026 | 12:08
ԵԽ-ի բանաձևում Արցախի հիշատակման պատճառով Բաքվում ԵՄ դեսպանն Ադրբեջանի ԱԳՆ է կանչվել․ բողոքի նոտա է հանձնվել
Ղազախստանի նախագահը կդիտարկի «Ամանաթ» կուսակցության ներկայացրած վարչապետի թեկնածությունը
Քաղաքականություն
05.02.2024 | 21:25
Ղազախստանի նախագահ Կասիմ-Ժոմարտ Տոկաևը կդիտարկի հանրապետության վարչապետի թեկնածությունը, որը կներկայացնի իշխող «Ամանաթ» կուսակցությունը։ Այս մասին լրագրողներին հայտնել է երկրի նախագահի մամուլի քարտուղար Բերիկ Ուալին, գրում է ՏԱՍՍ-ը։
«Սահմանադրության համաձայն՝ նախագահ Կասիմ-Ժոմարտ Տոկաևը կդիտարկի իշխող «Ամանաթ» քաղաքական կուսակցության ներկայացրած վարչապետի թեկնածությունը։ Հավանության արժանանալու դեպքում պետության ղեկավարը վարչապետի թեկնածությունը ներկայացնում է Մաժիլիսի (խորհրդարանի ստորին պալատ) քննարկմանը՝ համաձայնություն ստանալու համար։ Մաժիլիսի համաձայնության դեպքում՝ նախագահը նոր վարչապետ կնշանակի»,- ասել է Ուալին:
Հիշեցնենք, որ այսօր Ղազախստանի նախագահ Կասիմ-Ժոմարտ Տոկաևն ընդունել է կառավարության հրաժարականը։ Նախարարները կկատարեն իրենց պարտականությունները մինչև նոր կառավարության հաստատումը։ Ղազախստանի վարչապետի պարտականությունները վստահված են Ռոման Սկլյարին։ Նա նախկինում զբաղեցրել է առաջին փոխվարչապետի պաշտոնը։
