23.02.2026 | 15:00
Երևան-Աբովյան ճանապարհի վթարից տուժածներ կան// զարգացումներ՝ Աջափնյակում սպանության գործից․ ԼՈՒՐԵՐ
Իրանը պատերազմ չի սկսի, սակայն վճռական կարձագանքի․ Ռաիսի
Քաղաքականություն
02.02.2024 | 17:25
Իրանի նախագահ Էբրահիմ Ռաիսին հայտարարել է, որ Թեհրանը մի քանի անգամ ընդգծել է՝ ոչ մի պատերազմ չի սկսի, սակայն խստորեն կպատասխանի, եթե որևէ երկիր փորձի վախեցնել Իրանին, գրում է Mehr գործակալությունը։
Ռաիսին այս հայտարարությունն արել է ուրբաթ Հորմոզգան նահանգում Մինաբում ելույթ ունենալիս։
Նա նշել է, որ տարածաշրջանում Իրանի ռազմական հզորությունը ոչ մի երկրի համար սպառնալիք չէ, այլ հայտնի է որպես անվտանգության գեներատոր, որին կարող են ապավինել տարածաշրջանի երկրները։ Ռաիսին նաև ասել է, որ նախկինում, երբ «թշնամիները սպառնում էին Իրանին՝ օգտագործելով այնպիսի առաջարկներ, ինչպիսին է ռազմական տարբերակը, այժմ նրանք ասում են, որ պատերազմի չեն ձգտում»։
Իր ելույթի մեկ այլ հատվածում Իրանի նախագահը բարձր է գնահատել պաշտպանական ասպարեզում երկրի ձեռքբերումները՝ դրանք անվանելով «զսպող ուժ»։
Էմմա Չոբանյան
