07.10.2026 | 23:48
Արթուր Դանիելյանը կալանավորվեց
ՀԱՊԿ-ից Հայաստանի դուրս գալու հարց այսօր օրակարգում չկա․ ՌԴ ԱԳՆ
Քաղաքականություն
01.02.2024 | 11:42
ՀԱՊԿ-ից Հայաստանի դուրս գալու հարց այսօր օրակարգում չկա։ ՌԻԱ Նովոստիին տված հարցազրույցում այս մասին հայտարարել է ՌԴ ԱԳ նախարարության ՀԱՊԿ հարցերով հատուկ հանձնարարություններով դեսպան Վիկտոր Վասիլևը։
Նա նշել է, թե ՀԱՊԿ-ի ուշադրությունն այսօր կենտրոնացած է 2023 թվականի նոյեմբերին կայացած Հավաքական անվտանգության խորհրդի որոշումների իրականացման ուղղությամբ, որի աշխատանքներին մասնակցում են դաշինքի բոլոր երկրները։
«ՀԱՊԿ Հավաքական անվտանգության խորհրդի վերոհիշյալ նստաշրջանում ընդունված փաստաթղթերը, որին հայկական կողմը չի մասնակցել, այժմ Երևանի դիտարկման փուլում են։ Այս փաստաթղթերից որոշների ետ կապված կա հայկական կողմի համաձայնությունը, որից կարելի է ենթադրել, որ ՀԱՊԿ-ից Հայաստանի դուրս գալու հարց օրակարգում չկա»,- նշել է Վասիլևը։
Պատասխանելով ՀԱՊԿ-ի միջոցառումներին Հայաստանի չմասնակցելու մասին հարցին՝ ռուս պաշտոնյան ասել է, որ դա ՀՀ ղեկավարության ընտրությունն է, որը, ըստ նրա, «կատարվել է ճնշման ներքո»։
«Այս իրավիճակը շատ առումներով և՛ արևմտյան երկրների ճնշման, և՛ Հայաստանի ղեկավարության ու բնակիչների հասկանալի էմոցիաների արդյունք է»,- ասել է Վասիլևը՝ ասելով, թե «բանականության ձայնը վաղ թե ուշ կհաղթի զգացմունքներին»։
Էմմա Չոբանյան
