07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Հայաստանի դրական քայլը դարձվում է էսկալացիայի և բացասական հռետորաբանության առիթ․ ՀՀ ԱԳՆ
Քաղաքականություն
26.01.2024 | 22:13
ՀՀ ԱԳՆ-ն անդրադարձել է Բաքվի արտաքին գերատեսչության արձագանքին, որը վերաբերում է ադրբեջանական կողմին ականապատ դաշտերի քարտեզների 8 նոր տեղեկամատյաններ փոխանցելու մասին ՀՀ ԱԱԾ-ի հունվարի 25-ի հաղորդագրությանը։
«Ինչպես բազմիցս նշվել է, Հայաստանը, որպես վստահության ամրապնդման միջոց, Ադրբեջանին է փոխանցել իր տրամադրության տակ եղած ականապատ դաշտերի բոլոր քարտեզները, որոնք ստացել է Լեռնային Ղարաբաղի պաշտոնյաներից»,-ասված է ԱԳՆ-ի X-ի միկրոբլոգում:
«Ավելի ուշ, առաջնորդվելով մարդասիրական նպատակներով, Հայաստանը Լեռնային Ղարաբաղի նախկին պաշտոնյաների շրջանում հարցումների հիման վրա նոր քարտեզներ է պատրաստել՝ քարտեզները Ադրբեջանին փոխանցել համար:
Ցավոք, այս նախաձեռնությունն ադրբեջանական կողմից անմիջապես խիստ բացասական և հեգնական արձագանք ստացավ, որը մերժում է վստահության ամրապնդմանն ուղղված Հայաստանի ջանքերը, շարունակում է շահարկել թեման և Հայաստանի դրական քայլը դարձնում էսկալացիայի և բացասական հռետորաբանության առիթ»,- նշվում է գրառման մեջ։
