12.08.2026 | 13:37
Նախագահը Մասիս Մելքոնյանին դատավոր նշանակելու հրամանագիրը չէր ստորագրել, բայց դա ձեզ հետաքրքիր չի. Վարդևանյան․ ՏԵՍԱՆՅՈՒԹ
Ուկրաինայի հետախուզությունը հայտնել է, թե ովքեր պետք է լինեին կործանված Իլ-76-ում
Քաղաքականություն
25.01.2024 | 18:42
Բելգորոդի մարզում կործանված Իլ-76 ինքնաթիռում պետք է լինեին Ռուսաստանի Դաշնության ռազմաքաղաքական VIP ղեկավարներ, սակայն վերջին պահին ՌԴ ԱԴԾ-ն արգելել է նրանց նստել ինքնաթիռ։ Korrespondent-ի փոխանցմամբ՝ այս մասին հայտարարել է Ուկրաինայի Պաշտպանության նախարարության գլխավոր հետախուզական վարչության ներկայացուցիչ Անդրեյ Յուսովը։
«Հայտնի է, որ ագրեսոր երկրի ռազմաքաղաքական ներկայացուցչության մի քանի VIP պաշտոնյաներ պետք է լինեին ինքնաթիռում, որոնց անունները հայտնի են և հայտնի կդառնան, նյութերը կփոխանցվեն միջազգային հետաքննության շրջանակներում։ Սակայն վերջին պահին ԱԴԾ-ն փաստացի նրանց հրամայել է չնստել այդ ինքնաթիռը և օգտվել տրանսպորտի այլ եղանակներից»,- ասել է նա։
Ուկրաինայի գլխավոր հետախուզական վարչության ներկայացուցիչը նաև նշել է, որ Բելգորոդիի դիահերձարան է հասցվել միայն հինգ դի, իսկ ռուս փրկարարներին թույլ չեն տվել զննել Իլ-76-ի կործանման վայրը։
Ուկրաինայի հետախուզությունն այդ նյութերը փոխանցելու է միջազգային հետաքննությանը։
