16.12.2025 | 11:24
ՀԿԿ նախագահը մասնակցում է ՄԱԿ-ի Կոռուպցիայի դեմ կոնվենցիայի մասնակից պետությունների 11-րդ համաժողովին
Ղրղզստանի և Չինաստանի սահմանին մի շարք երկրաշարժեր են գրանցվել
Քաղաքականություն
25.01.2024 | 13:40
Ղրղզստանի սեյսմոլոգիայի ինստիտուտի տվյալներով՝ հինգշաբթի գիշերը Ղրղզստանի և Չինաստանի սահմանին գրանցվել է 4-ից 5,7 մագնիտուդով երկրաշարժերի շարք, գրում է ՌԻԱ Նովոստին։
Ինստիտուտի տվյալներով՝ 5 մագնիտուդով առաջին ցնցումները տեղի են ունեցել հունվարի 24-ին ժամը 21։01-ին։ Դրան հաջորդել է ևս յոթ երկրաշարժերի շարք, որոնցից ամենաուժեղը եղել է 5,7 մագնիտուդով և գրանցվել է հունվարի 25-ին ժամը 4։21-ին:
Սեյսմոլոգիայի ինստիտուտը պարզաբանել է, որ ստորգետնյա ցնցումների էպիկենտրոնը գտնվել է Չինաստանում՝ այն վայրի մոտ, որտեղ հունվարի 23-ին տեղի է ունեցել 7 մագնիտուդով երկրաշարժ։
Բոլոր ստորգետնյա ցնցումները զգացվել են նաև Ղրղզստանում։ Էպիկենտրոնին ամենամոտ բնակավայրերում երկրակեղևի տատանումների ինտենսիվությունը կազմել է 3-ից 4,5 բալ։
Հիշեցնենք, որ Ղրղզստանի սեյսմոլոգիայի ինստիտուտի տվյալներով՝ հունվարի 23-ի գիշերը ժամը 00։09-ին Չինաստանում Ղրղզստանի հետ սահմանի մոտ՝ Բիշքեկից 339 կմ հեռավորությամբ, տեղի է ունեցել 7 մագնիտուդով երկրաշարժ։
