25.11.2024 | 18:51
Թմրանյութը մաքսանենգ ճանապարհով ներկրել և իրացնում էին. երկու անձ կալանավորվել է
Կիպրոսը ԼՂ-ից տեղահանվածների բուժման համար Հայաստան է ուղարկել 15200 եվրո արժողությամբ դեղորայք և բժշկական նյութեր
17.01.2024 | 20:26
Կիպրոսի Հանրապետության արտաքին գործերի և քաղաքացիական պաշտպանության նախարարությունը հայտարարություն է տարածել Եվրոպական քաղաքացիական պաշտպանության մեխանիզմով Կիպրոսի Հանրապետությունից Հայաստան մարդասիրական օգնություն առաքելու մասին: Այս մասին տեղեկացնում են Կիպրոսում ՀՀ դեսպանությունից։
«Կիպրոսը չէր կարող անմասն մնալ Քաղաքացիական պաշտպանության եվրոպական մեխանիզմի կոչին` հումանիտար օգնություն ուղարկել հայ ժողովրդին Ադրբեջանի ձեռնարկած գործողությունների արդյունքում վերջին դրամատիկ իրադարձություններից և ռազմական գործողությունների հետևանքով Լեռնային Ղարաբաղից ավելի քան 100000 հայերի Հայաստան տեղափոխությունից հետո:
Կիպրոսի Հանրապետությունը, արձագանքելով Հայաստանի դիմումին և վերջինիս կողմից Արցախի հայերի ընդունման համապատասխան ընթացակարգերի ավարտից հետո երեկ՝ հունվարի 16-ին, Արցախից տեղահանված փախստականների բուժման համար Հայաստան է ուղարկել Պետական առողջապահական ծառայությունների կազմակերպության կողմից տրամադրված 15200 եվրո արժողությամբ բժշկական ապրանքներ (դեղորայք և բժշկական նյութեր)։
Բեռի առաքումն իրականացվել է երեկ կեսօրին, օդային ճանապարհով՝ Cyprus Airways ավիաընկերության չվերթով, որն անվճար իրականացրել է տրանսպորտային տեղափոխումը։ Ցանկանում ենք հրապարակայնորեն մեր ջերմ շնորհակալությունը հայտնել այս արժեքավոր աջակցության համար և հուսով ենք, որ մեր համագործակցությունը կտարածվի նաև այլ մարդասիրական գործողությունների և նախաձեռնությունների վրա»,- ասված է հաղորդագրության մեջ։
