14.10.2026 | 15:17
ԱԳՄԱ փոխնախարար Ռոբերտ Աբիսողոմոնյանի ճեպազրույցը COP17-ին ընդառաջ. ՈՒՂԻՂ
Ամենամսյա ամփոփիչ խորհրդակցություն Հարկադիր կատարման ծառայությունում
Հասարակություն
06.08.2018 | 17:30
ՀՀ գլխավոր հարկադիր կատարող, արդարադատության գնդապետ Հակոբ Հակոբյանն այսօր ամենամսյա ամփոփիչ աշխատանքային խորհրդակցություն է անցկացրել Հարկադիր կատարման ծառայության ղեկավար կազմի մասնակցությամբ:
Ըստ օրակարգի՝ Ծառայության ստորաբաժանումների ղեկավարները հանդես են եկել հաշվետու զեկույցներով նախորդ ամսվա ընթացքում իրենց բաժնի կողմից իրականացված աշխատանքների մասին:
Մասնավորապես, Ծառայության տեսչական և վերլուծական բաժնի պետը հաշվետու զեկույց է ներկայացրել տարբեր բաժինների կողմից իրականացված բռնագանձումների ծավալի, հարուցված, ավարտված ու կարճված կատարողական վարույթների թվի վերաբերյալ հուլիս ամսվա կտրվածքով՝ համեմատականներ անցկացնելով նախորդ տարվա նույն ժամանակահատվածի հետ:
Զեկույցներով հանդես են եկել նաև այն ստորաբաժանումների ղեկավարները, ովքեր հանձնարարականներ էին ստացել նախորդ ամփոփիչ խորհրդակցության ընթացքում:
Ամփոփելով հաշվետու զեկույցները՝ ՀՀ գլխավոր հարկադիր կատարողը նշել է, որ ընթացիկ և նախորդ ամսվա վիճակագրությունը փաստում է, որ ավելացել է ինչպես բռնագանձումների ծավալը, այնպես էլ Ծառայության թեժ գծի կողմից ստացված զանգերի թիվը: Վերջինս պայմանավորված է մի շարք վարչական ակտերի համաներման փաստով, քանի որ քաղաքացիները տեղեկատվություն են ուզում ստանալ իրենց վերաբերյալ հարուցված կատարողական վարույթների վերաբերյալ: Ծառայության ղեկավարը նշել է նաև, որ ստացված դիմում-բողոքների թվի նվազումը պայմանավորված է Ծառայության կողմից տարվող հետևողական աշխատանքով, ինչը լինելու է շարունակական:
Այնուհետ Հակոբ Հակոբյանը հանձնարարել է իրավասու ստորաբաժանման ղեկավարին՝ ամենօրյա կտրվածքով հաշվետվություն ներկայացնել համաներման շրջանակներում կարճված վարույթների ընթացքի ու դրանց մնացորդի վերաբերյալ:
Աշխատանքային խորհրդակցության ընթացքում քննարկվել են նաև առանձին կատարողական վարույթներին առնչվող մի շարք հարցեր, որոնց վերաբերյալ ՀՀ գլխավոր հարկադիր կատարողի կողմից տրվել են համապատասխան հանձնարարականներ:
