14.12.2025 | 17:25
Իրավիճակը ճանապարհներին՝ 17։15-ի դրությամբ
Վրաստանում, վիրուսային հիվանդություններով պայմանավորված, հիվանդանոցները ծանրաբեռնված են
Քաղաքականություն
15.01.2024 | 23:44
Թբիլիսիի ինֆեկցիոն հիվանդանոցի տնօրեն Թենգիզ Ցերցվաձեն հերքել է տեղեկությունները, որ վիրուսային հիվանդությունների տարածման պատճառով երկրի կլինիկաները գերբեռնված են և հիվանդների համար տեղեր չկան, գրում է Sputnik-ի վրացական ծառայությունը։
Վերջին մի քանի շաբաթվա ընթացքում Վրաստանում բժիշկները սկսել են խոսել բուժհաստատություններ հիվանդների այցելությունների կտրուկ աճի մասին։ Ըստ նրանց՝ հիվանդանոցները գերբեռնված են, հատկապես, մանկական բաժանմունքները։ Առողջապահության նախարար Զուրաբ Ազարաշվիլին ասել է, որ ոչ մի առանձնահատուկ բան տեղի չի ունենում, և այս իրավիճակը բնորոշ է վիրուսային սեզոնին։
«Հիվանդանոցային հատվածի ծանրաբեռնվածությունն ավելացել է, բայց գերծանրաբեռնվածություն չկա: Ես ամենայն պատասխանատվությամբ ասում եմ, որ դա սուտ է, որ կլինիկաներում, իբր, տեղեր չկան»,- ասել է Ցերցվաձեն Palitra TV-ի եթերում:
Նա հաստատել է, որ վերջին շրջանում ավելացել են շնչառական վարակների դեպքերը, ավելացել է նաև կլինիկաների ծանրաբեռնվածությունը, բայց ոչ մի արտառոց բան տեղի չի ունենում։
«Բացարձակապես կարիք չկա իրավիճակը դրամատիզացնելու, խուճապի մատնվելու պատճառ չկա։ Այս աճը սպասելի էր», – նշել է պաշտոնյան։
Թբիլիսիի ինֆեկցիոն հիվանդանոցի տնօրենը նշել է, որ 2024 թվականին գրիպի վիրուսից մահեր չեն գրանցվել։
