16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ամերիկյան կործանիչը Կարմիր ծովում խոցել է Եմենից արձակված հրթիռը
Քաղաքականություն
15.01.2024 | 14:49
Ամերիկյան կործանիչը խոցել է հականավային բալիստիկ հրթիռը, որն արձակվել է Եմենի հութիների վերահսկողության տակ գտնվող տարածքից, հայտնել է ԱՄՆ կենտրոնական հրամանատարությունը։
Գերատեսչության տվյալներով՝ հարձակման թիրախը եղել է Կարմիր ծովի հարավում գտնվող ամերիկյան «Լաբուն» ականակիր նավը։
«Հունվարի 14-ին, մոտավորապես ժամը 16:45-ին, Եմենի հութիների հսկողության տակ գտնվող շրջաններից հականավային թևավոր հրթիռ է արձակվել Կարմիր ծովի հարավում գործող ամերիկյան «Լաբուն» ականակրի ուղղությամբ։ Հրթիռը խոցվել է Հոդեյդա նահանգի մոտակայքում։ Զոհերի կամ ավերածությունների մասին չի հաղորդվում»,- ասվում է X-ում հրամանատարության հրապարակած հաղորդագրության մեջ:
Կարմիր ծովի միջազգային ջրերում նավերի վրա կրակոցներն ավելացել են վերջին ամիսներին Իսրայելի և պաղեստինյան ՀԱՄԱՍ շարժման միջև պատերազմի ֆոնին: Եմենի հութիները, որոնք աջակցում են ՀԱՄԱՍ-ին, հրթիռային կամ անօդաչու թռչող սարքերի հարվածներ են հասցնում նավերին, որոնք, իրենց կարծիքով, կապված են Իսրայելի հետ:
