23.11.2024 | 18:09
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
ChatGPT-ն խնդրահարույց թեմա է՝ կարող է բերել մտքի ծուլության. ապաքաղաքական զրույց Ռալֆ Յիրիկյանի հետ. ՏԵՍԱՆՅՈՒԹ
Հաղորդաշարեր
07.01.2024 | 21:02
Factor TV-ի A-politic հաղորդաշարի հյուրն է «Յուքոմ» ընկերության գլխավոր տնօրեն Ռալֆ Յիրիկյանը: Նրա համոզմամբ՝ բիզնեսի կենտրոնում պետք է լինի մարդը: Եթե աշխատակիցները չեն հասկանում իրենց ընկերության նպատակներն ու սկզբունքները, եթե չեն վստահում իրար և ղեկավար կազմին, դժվար է ակնկալել շոշափելի արդյունքներ:
Ըստ հաղորդման հյուրի՝ այսօր գործարարը կարող է մանրամասն ուսումնասիրել իր սպառողներին և իմանալ նրանց նախասիրությունները: Սպառողների սեգմենտը կարող է բավականին փոքր լինեն, բայց նույնիսկ այդ դեպքում չի կարելի սեգմենտի պահանջարկն արհամարհել․ այն, միևնույն է, բավարարվելու է մրցակիցների կողմից:
Պե՞տք է, արդյոք, ծրագրավորմամբ զբաղվելու համար ունենալ համապատասխան բարձրագույն կրթություն: Պատասխանելով այդ հարցին՝ Ռալֆ Յիրիկյանն առաջարկում է տարբերակում դնել փոքր բիզնեսը սպասարկող ծրագրերը և բարդ ծրագրային լուծումներ պահանջող խնդիրները: Անդրադառնալով ChatGPT-ի հեռանկարներին՝ նա կարծիք է հայտնում, որ որոշ դեպքերում այն կարող է արգելակել երիտասարդների՝ սովորելու ցանկությունը:
Մանրամասները՝ տեսանյութում:
Արամ Աբրահամյան
