20.02.2026 | 13:40
Աշխարհի գավաթ․ Հայ մարմնամարզիկները դուրս են եկել եզրափակիչ
Բաքուն ցանկանում է Երևանի հետ ստեղծել վեճերի լուծման մեխանիզմ․ Ալիևի ներկայացուցիչ
Քաղաքականություն
28.12.2023 | 12:10
Բաքուն և Երևանն այնքան էլ հեռու չեն խաղաղության համաձայնագրից։ Այս մասին հայտարարել է Ադրբեջանի նախագահ Իլհամ Ալիևի հատուկ հանձնարարությունների գծով ներկայացուցիչ Էլչին Ամիրբեկովը The Guardian-ի հետ զրույցում, գրում են ադրբեջանական լրատվամիջոցները։
«Կարևոր է հասկանալ, որ բանակցությունների այս վճռական փուլում, երբ թվում է, թե վերջնական համաձայնագրից այնքան էլ հեռու չենք, մեզ իսկապես անհրաժեշտ են արդյունքների վրա հիմնված գործողություններ»,-ասել է նա՝ նշելով, որ ադրբեջանական կողմը սպասում է Երևանից խաղաղության պայմանագրի առաջարկների պատասխանին։
Ամիրբեկովը հիշեցրել է, որ համաձայնագրի նախագիծը պատրաստվել է հինգ հիմնական սկզբունքների հիման վրա՝ ինքնիշխանության, տարածքային ամբողջականության և միջազգայնորեն ճանաչված սահմանների անձեռնմխելիության, միմյանց նկատմամբ տարածքային պահանջներից հրաժարվելու, սպառնալիքից կամ ուժի կիրառումից հրաժարում, ինչպես նաև ադրբեջանա-հայկական սահմանի սահմանազատում և Հայաստանի և Ադրբեջանի միջև հաղորդակցության բացում։ Ըստ նրա՝ Բաքուն ցանկանում է ստեղծել կողմերի միջև վեճերը լուծելու մեխանիզմ։ Ալիևի ներկայացուցիչը պարզաբանել է, որ խոսքը «ինչ-որ երկկողմանի հանձնաժողովի մասին է, որը պետք է ստեղծվի՝ վերացնելու համաձայնագրի բոլոր թյուրըմբռնումները կամ տարաձայնությունները»։
Ամիրբեկովն ասել է, որ որ Ադրբեջանի հիմնական մասի և Նախիջևանի կապը «Բաքվի համար վճռորոշ նշանակություն ունի ազգային անվտանգության տեսանկյունից»։
«Մենք այլևս ժամանակ չենք կարող կորցնել: Երեք տարի անց Հայաստանն անգամ չի սկսել 42 կիլոմետրանոց հատվածի տեխնիկատնտեսական հիմնավորումը։ Մենք չենք կարող ստիպել Հայաստանին անել այն, ինչ նրանք պարտավորվել էին անել ավելի վաղ, և անիմաստ է ենթադրել, որ մենք ներխուժելու ենք՝ պարտադրելու այս միջանցքը ուժով կամ նման այլ բաներով։ Ուստի, մենք դիմեցինք Իրանին որպես պլան «Բ» ՝ Իրանի տարածքով ավտոմոբիլային և երկաթուղային կապերի ձևավորման համար»,-ասել է նա։
Ըստ ադրբեջանցի պաշտոնյայի՝ «այլընտրանքային երթուղու առկայությունը կարող է ստիպել Հայաստանին գիտակցել, թե որքան շատ բան կկորցնի՝ շարունակելով դիմակայել մի երթուղու, որը կարող է անցնել իր տարածքով»։
