07.10.2026 | 23:48
Արթուր Դանիելյանը կալանավորվեց
Իսրայելի բանակը Գազայում հայտնաբերել է ՀԱՄԱՍ-ի ամենամեծ թունելը
Քաղաքականություն
18.12.2023 | 17:46
Իսրայելական բանակը Գազայի հատվածում հայտնաբերել է պաղեստինյան ՀԱՄԱՍ խմբավորման զինյալների՝ մինչ այժմ ամենամեծ թունելը։ Համակարգը, որը բաժանված է ճյուղային թունելների, տարածվում է ավելի քան 4 կմ և գտնվում է Գազայի հատվածի հետ Իսրայելի սահմանին՝ Էրեզ անցակետից մոտ 400 մ հեռավորության վրա։ Այս մասին հայտնել է Իսրայելի պաշտպանության բանակի մամուլի ծառայությունը, գրում է DW-ի ռուսական ծառայությունը։
Ըստ հաղորդագրության՝ թունելներն այնքան մեծ են, որ դրանցով կրող են շարժվել անգամ փոքր մեքենաներ։
«Ստորգետնյա թունելների այս համակարգը ծրագիր էր, որը ղեկավարում էր ՀԱՄԱՍ-ի առաջնորդ Յահյա Սինվարի եղբայրը՝ Մուհամմադ Սինվարը, որին համարում են Իսրայելի վրա ՀԱՄԱՍ-ի հարձակման ղեկավարներից»,- ասվում է հաղորդագրությունում։
Ըստ իսրայելցի զինվորականների՝ թունելների կառուցումը տևել է մի քանի տարի և արժեցել միլիոնավոր դոլարներ։ Ստորգետնյա թունելներն ունեն կոյուղի, լուսավորություն, օդափոխություն և կապի միջոցներ։ Հատակը կառուցված է սեղմված հողից, իսկ պատերը՝ երկաթբետոնից։ Հաղորդվում է, որ իսրայելցի զինվորականները թունելներում մեծ քանակությամբ զենք են հայտնաբերել՝ պատրաստ օգտագործման համար։
Նշվում է, որ ՀԱՄԱՍ-ն օգտագործում է Գազայի հատվածում գտնվող թունելների հսկայական ցանցը՝ տների միջև աննկատ տեղաշարժվելու և պատանդներին թաքցնելու համար: Դեկտեմբերի 9-ին Իսրայելի պաշտպանության բանակը դպրոցի գրասենյակում հայտնաբերել էր թունելի մուտքը: ՀԱՄԱՍ-ը հայտնել է, որ թունելների ընդհանուր երկարությունը 500 կմ է։
Էմմա Չոբանյան
