16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թուրքիան սառեցրել է PKK-ին ֆինանսավորելու մեջ կասկածվող 82 անձանց և կազմակերպությունների ակտիվները
Քաղաքականություն
30.11.2023 | 23:30
Թուրքիան սառեցրել է 62 անձանց և 20 կազմակերպությունների ակտիվները՝ համաձայն «Ահաբեկչության ֆինանսավորման կանխարգելման մասին» թիվ 6415 օրենքի, գրում է Bianet-ը։
Որոշումը, որը ստորագրել են ներքին գործերի նախարար Ալի Երլիքայան և ֆինանսների նախարար Մեհմեդ Շիմշեքը, ներառում է մարդկանց և կազմակերպությունների, որոնք կասկածվում են ահաբեկչական համարվող Քուրդիստանի աշխատավորական կուսակցությանը (PKK) ֆինանսավորելու մեջ։
Ըստ Պաշտոնական տեղեկագրի՝ սառեցված ակտիվներով իրավաբանական անձինք գործում են Ավստրիայում, Բելգիայում, Մեծ Բրիտանիայում, Դանիայում, Ֆրանսիայում, Շվեդիայում, Շվեյցարիայում, Ճապոնիայում, Իտալիայում, Նորվեգիայում, Իրաքում, Սիրիայում, Գերմանիայում և Ավստրալիայում։
Նշենք, որ PKK-ն Թուրքիայի և արևմտյան մի շարք երկրների կողմից ճանաչված է որպես ահաբեկչական կազմակերպություն:
Այս քայլը կառավարության փորձերից է՝ Թուրքիային դուրս բերել Ֆինանսական գործողությունների աշխատանքային խմբի (FATF) «գորշ ցուցակից»: 2021 թվականին Թուրքիան, որը գտնվում էր ուժեղացված մոնիթորինգի ներքո՝ փողերի լվացման և ահաբեկչության ֆինանսավորման դեմ պայքարում վարչակարգերի ռազմավարական թերությունների պատճառով, ներառվել է FATF-ի «գորշ ցուցակում»:
FATF-ը, որը ստեղծվել է G7-ի զարգացած տնտեսությունների խմբի կողմից՝ համաշխարհային ֆինանսական համակարգը պաշտպանելու համար, նախազգուշացրել էր Թուրքիային «լուրջ թերությունների» մասին։
Էմմա Չոբանյան
