25.11.2024 | 19:00
Միջուկային պատերազմի կարող է վերածվել ՌԴ-ԱՄՆ հակադրությունը․ ՀՀ-ն վտանգվում է՝ երկուսին էլ ժպտալով․ Արամ Սարգսյան․ ՏԵՍԱՆՅՈՒԹ
Հովիկ Աղազարյանը պնդում է, որ Ալեն Սիմոնյանի հետ չի հանդիպել
Քաղաքականություն
25.11.2024 | 17:33
ՔՊ պատգամավոր Հովիկ Աղազարյանն այսօր չի հանդիպել ԱԺ նախագահ Ալեն Սիմոնյանի հետ, այս մասին Factor.am-ին ասաց պատգամավորը: Հարցին, թե ինչու հանդիպումը չի կայացել, Աղազարյանը չպատասխանեց և անջատեց հեռախոսը: ԱԺ նախագահի մամուլի խոսնակն էլ ասաց, որ հանդիպման վերաբերյալ մեկնաբանություն չեն տալիս:
Ավելի վաղ լրատվամիջոցներով տեղեկություններ էին շրջանառվում, որ այսօր`ժամը 16:00-ին պետք է հանդիպեն Հովիկ Աղազարյանն ու Ալեն Սիմոնյանը:
Հիշեցնենք` ՀՀ վարչապետ Նիկոլ Փաշինյանը Հանրային հեռուստաընկերությանը տված հարցազրույցի ժամանակ հայտարարել էր,որ ՔՊ պատգամավորներ Նարեկ Զեյնալյանին և Հովիկ Աղազարյանին խնդրել է` պատգամավորական մանդատները վայր դնել՝ հույս հայտնելով, որ Հովիկ Աղազարյանը կկատարի իր խնդրանքը։ Հիշեցնենք՝ նոյեմբերի 22-ին Նարեկ Զեյնալյանը Աժ էր ներկայացրել մանդատը վայր դնելու դիմումը։ Իսկ Հովիկ Աղազարյանը Factor.am-ին հայտնել է, որ այսօր`ժամը 18:00-ին հայտարարությամբ հանդես կգա: Արդյոք Աղազարյանը և՞ս կհրաժարվի մանդատից՝ այս պահի դրությամբ հայտնի չէ։
Մանյա Պողոսյան
