15.07.2026 | 13:07
Ուկրաինական ԱԹՍ-ների հարձակումից հետո Կերչը մնացել է առանց էլեկտրաէներգիայի
Հովիկ Աղազարյանը հետաձգել է մանդատ դնելու մասին իր որոշման ընդունումը
Քաղաքականություն
25.11.2024 | 18:12
ԱԺ ՔՊ պատգամավոր Հովիկ Աղազարյանը հետաձգում է մանդատը վայր դնելու մասին իր որոշումը, որը պետք է հայտարարել այսօր ժամը 18:00-ին, այս մասին Factor.am-ի հետ զրույցում տեղեկացրեց պատգամավորը։ Նա ասաց, որ պատճառի մասին չի կարող ոչինչ ասել։
Դիտարկմանը, թե իր որոշման վրա ազդել է՞ այսօր Ալեն Սիմոնյանի հետ հանդիպումը, նա բացասական պատասխան տվեց՝ դարձյալ կրկնելով, որ պատճառների վերաբերյալ չի կարող ոչինչ ասել։
Հարցին՝ Նիկոլ Փաշինյանը խնդրանքը չի՞ կատարում, նա ասաց, որ այդ մասին հետո կխոսի։
Հիշեցնենք` ՀՀ վարչապետ Նիկոլ Փաշինյանը Հանրային հեռուստաընկերությանը տված հարցազրույցի ժամանակ հայտարարել էր, որ ՔՊ պատգամավորներ Նարեկ Զեյնալյանին և Հովիկ Աղազարյանին խնդրել է` պատգամավորական մանդատները վայր դնել՝ հույս հայտնելով, որ Հովիկ Աղազարյանը կկատարի իր խնդրանքը։ Նոյեմբերի 22-ին Նարեկ Զեյնալյանը Աժ էր ներկայացրել մանդատը վայր դնելու դիմումը։ Իսկ Հովիկ Աղազարյանը Factor.am-ին հայտնել էր, որ այսօր`ժամը 18:00-ին հայտարարությամբ հանդես կգա:
