19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Լևոն Վահրադյանն ընդունել է ՄԱԿ-ի մանկական հիմնադրամի հայաստանյան գրասենյակի ներկայացուցչին, քննարկվել է ՅՈՒՆԻՍԵՖ-ի 2016-2020 թթ. գործողությունների ծրագիրը
30.07.2018 | 17:05
ՀՀ սպորտի և երիտասարդության հարցերի նախարար Լևոն Վահրադյանն այսօր ընդունել է ՄԱԿ-ի մանկական հիմնադրամի (ՅՈՒՆԻՍԵՖ) հայաստանյան գրասենյակի ներկայացուցիչ Տատյանա Ռադոչային:
Հանդիպման ժամանակ քննարկվել են Հայաստանի Հանրապետությունում ՅՈՒՆԻՍԵՖ-ի 2016-2020 թվականների գործողությունների ծրագիրը, գործունեության արդյունքները, հետագա անելիքները, ինչպես նաև 2018 թվականի սեպտեմբերին Հայաստանի Հանրապետությունում մեկնարկելիք ծրագրի մանրամասները: Կողմերը կարևորել են խոցելի խմբերի ներգրավվածության ակտիվացումը հասարակական կյանքում:
Նախարարից բացի՝ հանդիպմանը մասնակցել է նաև նախարարի տեղակալ Քրիստինե Ասատրյանը: Հայկական կողմը ՅՈՒՆԻՍԵՖ-ի հետ սերտորեն համագործակցության պատրաստակամություն է հայտնել երեխաների, դեռահասների և երիտասարդների իրավունքների և բարեկեցության ուղղությամբ իրականացվող ծրագրերի շրջանակներում:
Տիկին Ռադոչայը խոսել է ՅՈՒՆԻՍԵՖ-ի կողմից իրականացված ուսումնասիրությունների մասին, ինչպես նաև ներկայացրել է ազգային նոր ռազմավարության մշակման ընթացքում մեր երկրին ցուցաբերած փորձագիտական աջակցության մանրամասները:
