Ամուսինը սպառնացել է սպանել 11 ամսական երեխային

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Ա․Վ․-ն ամուսնացել է Գավառ քաղաքի բնակչի հետ 2020 թվականի նոյեմբերին։ Ամուսնության առաջին ամիսները հաշտ են անցել, առանց բռնության։ Այնուհետև երիտասարդ ընտանիքը տեղափոխվել է Ռուսաստանի Դաշնություն, որտեղ էլ սկսվել են ամուսնու կողմից կնոջ նկատմամբ խանդի դրսևորումները։ Կինը չի տիրապետել ռուսերենին, ուստի ամուսնու ուղեկցությամբ է ամենուր գնացել,  անգամ գնումներ կատարելու։

Միասին փողոցում քայլելիս ևս ամուսինը խանդելու պատճառներ է գտել, կնոջը մեղադրել է անցորդ տղամարդկանց «ուրիշ ձև նայելու» համար։ Որոշ ժամանակ անց կինը սովորել է ռուսերեն և սկսել է միայնակ գնալ խանութ, որից հետո ամուսինը սկսել է նրան մեղադրել նրանում, թե իբր կնոջ հետևից անծանոթ տղամարդ է քայլում։

Խանդը շարունակվել է նաև հայրենիք վերադառնալուց հետո։ Ամուսինը զրկել է կնոջը հեռախոսից ազատ օգտվելու իրավունքից, կինն ընտանիքի անդամների հետ զրուցել է միայն իր ներկայությամբ։ «Ինքը ծրագիր էր քաշել իմ հեռախոսի մեջ, որ ձայնագրեր իմ բոլոր խոսակցությունները»,- դատարանում պատմել է կինը։ Իսկ 2022թ. օգոստոս ամսից սկսած արգելել է կնոջը շփվել իր հարազատների հետ, սոցիալապես մեկուսացրել է նրան, աշխատանքի գնալիս տան դուռը կողպել է կնոջ վրա, նրան փակի տակ պահել։

Ամուսինը խանդել է կնոջը նաև հարազատ հորեղբոր նկատմամբ, արգելել է վերջինիս  այցելել իրենց տուն, կնոջը ստիպել է ասել, թե նա կապ է ունեցել իր հորեղբոր հետ, հակառակ դեպքում սպառնացել է, թե կսպանի 11 ամսական փոքրիկին։ «Երեխային օդ էր բարձրացրել, ասում էր կգցեմ գետնին, կտամ-կսպանեմ, եթե չասես, որ հոպարը քեզ հետ տենց բան ա արել։ Ես ստիպված ասել եմ, որ նման բան ա եղել»,- իր ցուցմունքում նշել է կինը։

Նրա խոսքով՝ ամուսինը պարբերաբար սպառնացել է իրեն, մի անգամ էլ դանակն է դրել կոկորդին․ «Ինձ ասում էր՝ դու ասա, որ տենց բան եղել ա, ես քեզ էնքան պիտի տփեմ, մինչև հիվանդություն ձեռք բերես, մեռնես»,- պատմել է կինը։

Ա․Վ․-ն ընդունում է, որ ինքը սխալ է գործել, որ զրպարտել է ամուսնու հորեղբորը, սակայն ընդգծել է, որ դա արել է սպառնալիքների ներքո։ Որոշ ժամանակ անց կինը կրկին պնդել է, որ որևէ կապ չի ունեցել ամուսնու հորեղբոր հետ։ Այս անգամ էլ ամուսինը պահանջել է, որպեսզի կինը մազերը կտրի՝ որպես իր խոսքերի ապացույց․ «Ասում էր՝ եթե ճիշտ ես ասում, որ նման բան չի եղել, մազերդ կտրի»։

Կինը դատարանում ցույց է տվել իր անձնագրի նկարը, որում երևում է, որ նա երկար մազեր է ունեցել։ Ամուսինը ստիպել է, որ կինն իր ձեռքով կտրի իր երկար մազերը, որպեսզի պակաս կանացի լինի․ «Ասում էր՝ պիտի կանացի տեսք չունենաս, որ քեզ ոչ մեկ չնայի,- պատմել է կինը,- զրո համարով կտրեցի մազերս, հետո ինքը դզեց, ասում էր՝ հավասարեցնեմ, որ նորմալ աճի»։

Իսկ 2023 թվականի հունվարի 6-ին ամուսինը վառարանի երկաթյա կրակխառնիչով հարվածներ է հասցրել կնոջ մարմնի տարբեր մասերին՝ պատճառելով մարմնական վնասվածք:

32-ամյա տղամարդուն մեղադրանք է առաջադրվել մերձավոր ազգականի առողջությանը թեթև մարմնական վնաս հասցնելու (ՀՀ քրեական օրենսգրքի 171-րդ հոդվածի 2-րդ մասի 6-րդ կետ) և նյութական կախվածության մեջ գտնվող մերձավոր ազգականի նկատմամբ հոգեկան ներգործություն ունենալու համար (194-րդ հոդվածի 2-րդ մասի 4-րդ և 5-րդ կետեր): Ներկայումս ամուսիններն ամուսնալուծված են։

Տղամարդը նախորդ դատական նիստի ընթացքում հայտարարեց, որ ընդունում է, որ «փեջի շշով» հարվածներ է հասցրել կնոջը, սակայն մազերը կտրելու դրվագի վերաբերյալ անհամաձայնություն ունի։

Գործը քննվում է Գեղարքունիքի մարզի ընդհանուր իրավասության դատարանի Մարտունու նստավայրում։ Հաջորդ դատական նիստը նշանակված է դեկտեմբերի 5-ին։

Արման Ղարիբյան

Նկարազարդումը՝ Ելենա Ակոջյանի

Ընտանեկան բռնության գործերի վերաբերյալ Factor.am-ի մյուս հրապարակումները կարդացեք հետևյալ հղումներով՝

7 տարի ազատազրկում՝ ընտանեկան բռնության համար

Վերաքննիչ դատարանը մերժել է կնոջը հետապնդած տղամարդու բողոքը

Կնոջը մորթել ցանկացող տղամարդն ազատության մեջ է

Ամուսնու բռնությունից պաշտպանվող կնոջ դեմ քրեական վարույթ են հարուցել