04.07.2026 | 17:21
Դատախազության ամենակարևոր ռեսուրսը սկզբունքային, պրոֆեսիոնալ, բարեվարք և իրենց ծառայությանը նվիրված մարդիկ են. Գլխավոր դատախազ
7 տարի ազատազրկում՝ ընտանեկան բռնության համար
Հասարակություն
22.11.2023 | 12:13
Երևան քաղաքի ընդհանուր իրավասության դատարանը 7 տարվա ազատազրկման է ենթարկել կնոջ, զոքանչի և աներոջ նկատմամբ բռնություն կիրառելու համար մեղադրվող Վ․Ա․-ին։ Մեղադրյալը դատապարտվել է ՀՀ քրեական օրենսգրքի երեք հոդվածներով՝ 5, 4 և 1 տարի ժամկետով ազատազրկման, սակայն հանցագործությունների համակցությամբ նշանակված պատիժները մասնակիորեն գումարելու միջոցով տղամարդու նկատմամբ նշանակվել է վերջնական պատիժ՝ ազատազրկում 7 տարի ժամկետով:
Հիշեցնենք, որ սույն գործի քննությունը սկսվել էր դեռևս 2017 թվականին, մեղադրյալը կալանքի տակ է սկսած 2018 թվականի հուլիսի 4-ից։ Մինչ այդ նա կալանքի տակ է եղել ևս 7 ամիս 19 օրով։ Կալանքի տակ գտնվելու օրերը հանվելու են դատավճռով սահմանված ազատազրկման օրերից, ինչը նշանակում է, որ մեղադրյալը շուտով կհայտնվի ազատության մեջ։ Սա սարսափեցնում է մեղադրյալի նախկին կնոջն ու երեխաներին։ «Էրեխեքը վախենում են իրենից, չեն ուզում բացարձակ ոչ մի շփում իր հետ»,-Factor.am-ին ասել էր բռնարարի նախկին կինը՝ Ի․Ա․-ն։ Կնոջ հիմնական մտավախությունն այն է, որ նախկին ամուսինը կարող է դարձյալ բռնություն գործադրել իր և իր ընտանիքի նկատմամբ։
Դատավճռով Վ․Ա․-ից հօգուտ տուժողների բռնագանձվել է 297 հազար և 364 հազար ՀՀ դրամ՝ որպես հանցագործության հետևանքով պատճառված վնասի հատուցում։ Ծեծի հետևանքով կնոջ հարազատները առողջական լուրջ խնդիրների առջև են կանգնել և դիմել են բուժհաստատություններ, որտեղ արված վճարումների գումարն էլ բռնագանձվելու է բռնարարից։
Վ․Ա․-ից նաև հօգուտ ՀՀ պետական բյուջեի է բռնագանձում արվելու դատական ծախսերի համար՝ 283,920 դրամ։ Այս գումարը ներառում է դատահետքաբանական և դատակենսաբանական համալիր և կրկնակի դատաբժշկական փորձաքննությունների կատարման արժեքը։
Մեղադրյալը Ընդհանուր իրավասության դատարանի վճռի դեմ բողոք է ներկայացրել ՀՀ վերաքննիչ դատարան։ Վերադաս ատյանի որոշմանը կանդրադառնանք առաջիկա հրապարակումներում։
Արման Ղարիբյան
Նկարզարդումը՝ Ելենա Ակոջյանի
Ընտանեկան բռնության գործերի վերաբերյալ Factor.am-ի մյուս հրապարակումները կարդացեք հետևյալ հղումներով՝
Ամուսնու բռնությունից պաշտպանվող կնոջ դեմ քրեական վարույթ են հարուցել
«Փեջի շշով» ծեծել է կնոջը, ստիպել կտրել մազերը
Դատախազը բողոքարկել է ազատության մեջ մնացած բռնարարի գործով վճիռը
Մոխրաման, հատակի փայտ, վինտիլյատոր․ տուժողը պատմեց՝ ինչ առարկաներով է իրեն հարվածել նախկին ամուսինը
