15.09.2026 | 16:00
Ֆաշիստական ելույթ ունեցաք, դուք երիտբոլշևիկներ եք․ Վարդանյանը՝ Եղոյանին․ ՏԵՍԱՆՅՈՒԹ
Ֆրանսիայում զինվորների գերեզմանատան պղծել են հրեական գերեզմանները
Քաղաքականություն
16.11.2023 | 22:46
Ֆրանսիայում գերմանացի զինվորների գերեզմանոցում հրեական տասը գերեզմանների պղծումը մեծ իրարանցում է առաջացրել։ «Զինվորական գերեզմանների խնամքի հարցով Գերմանիայի ժողովրդական միությունը» (Volksbund Deutsche Kriegsgräberfürsorge, VDK) խստորեն դատապարտել է այս հանցագործությունը, փոխանցում է DW-ի ռուսական ծառայությունը։
Միևնույն ժամանակ, լրագրողները հիշեցնում են, որ 2018 և 2019 թվականներին Էլզասում հրեական գերեզմանոցներում շիրիմների պղծման մի քանի դեպք է գրանցվել։
Այս անգամ հրեական գերեզմանների պղծումը տեղի է ունեցել Մուլեն-սու-Տուվեն գյուղական համայնքում։ Վանդալիզմի մասին հայտնի է դարձել նոյեմբերի 15-ին։ Առաջին համաշխարհային պատերազմի ժամանակ զոհված գերմանացի զինվորների գերեզմանաքարերը ճեղքվել, շրջվել կամ շպրտվել են գերեզմաններից մի քանի մետր հեռավորության վրա։
Ընդհանուր առմամբ, 1903 գերմանացի զինվոր է թաղված գերեզմանոցում։
