25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Ադրբեջանի դպրոցներից մեկում տնօրենն անջատել է ինտերնետը՝ առկա խնդիրների մասին տեղեկություններ չտարածելու համար
Քաղաքականություն
10.11.2023 | 23:14
Նախիջևանի Ինքնավար Հանրապետության Շահբուզ շրջանի Քյուլուս գյուղի միջնակարգ դպրոցում ուսուցիչներին արգելվել է օգտվել դպրոցին պատկանող ինտերնետից։ Այս մասին լրատվամիջոցներին պատմել են ուսուցիչներն են։ Նրանց խոսքով՝ պատճառն այն է եղել, որ այս տարվա սկզբին ուսուցիչներից մեկը փորձել է ուղիղ եթերում բարձրաձայնել դպրոցում տեղի ունեցած խախտումների և խնդիրների մասին։
Միջադեպից հետո դպրոցի տնօրեն Նիջաթ Աբդուլլաևը փոխել է դպրոցում հասանելի Wi-Fi-ի գաղտնաբառը, իսկ նոր գաղտնաբառը գաղտնի է պահում բոլորից։
«Դպրոցում շատ խնդիրներ կան։ Դրանցից ամենակարևորը ջրի բացակայությունն է։ Այդ պատճառով որոշ ծնողներ անցյալ ձմռանը երեխաներին դպրոց չեն ուղարկել։ Փորձ է արվել ուղիղ եթերում խոսել այդ մասին, սակայն թույլ չի տրվել։ Չնայած դրան՝ ծնողները լրատվամիջոցներին տեղեկացրել են դպրոցում առկա խնդիրների մասին։ Այդ ժամանակից ի վեր տնօրենը փոխել է դպրոցի ինտերնետի գաղտնաբառը՝ առանց որևէ մեկին տեղյակ պահելու»,- ասել են ուսուցիչերը։
Նրանք նշել են, որ դժվար է առանց համացանցի։
«Ինտերնետն անհրաժեշտ է դպրոցներում ուսուցիչներին և աշակերտներին։ Միշտ կարիք կա ինտերնետ ունենալ՝ ինչ-որ բան պարզաբանելու, սովորելու, օպերատիվ տեղեկատվության համար: Տնօրենը խնդիրները չնկարահանելու և չտարածելու համար աշխատակազմին թողել է առանց ինտերնետի»,- ասել են բողոքավորները։
Հավելենք, որ գյուղը գտնվում է լեռնային տարածքում, որտեղ բջջային ինտերնետի օգտագործումը սահմանափակ է։
Էմմա Չոբանյան
