19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Հարավային Կորեայում ռոբոտը ճզմել է գործարանի աշխատակցին՝ նրան արկղի տեղ դնելով
Քաղաքականություն
09.11.2023 | 23:14
Հարավային Կորեայում ռոբոտը տեխնիկական սխալի պատճառով ճզմել է ռոբոտաշինության ընկերության աշխատակցին։ Այս մասին հայտնում է հարավկորեական Yonhap գործակալությունը, որին վկայակոչում է Meduza-ն։
Միջադեպը տեղի է ունեցել Կենսան Նամդո շրջանում գտնվող պղպեղի տեսակավորման գործարանում: Ընկերության աշխատակիցը ստուգել է՝ արդյո՞ք ռոբոտի սենսորներն աշխատում են։ Ռոբոտացված թևը պետք է բարձրացներ պղպեղի արկղերը և դրանք տեղադրեր դարակաշարի վրա:
Ռոբոտն աշխատակցին «ճանաչել է» որպես արկղ, որից հետո բռնել է տղամարդուն, նրա մարմնի վերին մասը սեղմել, ճզմել դեմքն ու կրծքավանդակը։ Տուժածը տեղափոխվել է հիվանդանոց, սակայն ստացած վնասվածքներից մահացել է։
Donggoseong գյուղատնտեսական համալիրի պաշտոնյան, որին պատկանում է գործարանը, ասել է, որ ընկերությունը ռոբոտն օգտագործում է արդեն հինգ տարի:
Լրատվամիջոցը նշում է, որ այս տարի նման ևս մեկ միջադեպ է տեղի ունեցել Հարավային Կորեայում։ 50-ամյա տղամարդը ծանր վիրավորվել է՝ հայտնվելով ռոբոտի ճանապարհին։
Էմմա Չոբանյան
