04.08.2026 | 09:18
Նիկոլ Փաշինյանն աշխարհի առաջատար համալսարանների շրջանավարտներից մի քանիսին բարձր պաշտոններում է նշանակել
Վարչապետը կոչ է անում քաղաքացիների նամակներին «ցրողական» պատասխաններ չտալ․ ՏԵՍԱՆՅՈՒԹ
Հասարակություն
26.07.2018 | 13:25
Կառավարության նիստի ավարտից հետո վարչապետ Նիկոլ Փաշինյանը դիմեց գործադիրի անդամներին, Երևանի քաղաքապետի պաշտոնակատարին, մարզպետներին և պետական մարմինների ղեկավարներին ուշադրության կենտրոնում պահել քաղաքացիներից ստացվող դիմում-նամակները, որոնք մայիսի 8-ից հետո եռակի և քառակի ավելացել են։
«Շատ դեպքերում քաղաքացիների նամակներին տրվում է «ցրողական» պատասխան։ Մենք պետք է մտածենք՝ ինչպես արդյունավետությունը բարձրացնենք և հարցերով զբաղվենք այն դեպքերում, երբ իսկապես պետք է։ Խստագույնս պահպանել դիմումներին պատասխանելու օրենքով սահմանված ժամկետները և մտածել քննարկումների ծավալը և բովանդակությունը բարձրացնելու մասին»,- ասաց վարչապետը՝ կոչ անելով հնարավորինս արդյունավետ դարձնել քաղաքացիների հետ շփումները։
Կրթության և գիտության նախարար Արայիկ Հարությունյանն էլ նկատեց, որ դիմումների հետ կապված խառնաշփոթ է ստեղծվում շատ հաճախ այն պատճառով, որ նույն նամակը հասցեգրում են և՛ նախարարություններին, և՛ Կառավարությանը։
Մանրամասները՝ տեսանյութում։
