24.07.2026 | 11:51
Վալերի Օսիպյանից 2520 դրամ պակաս կպահանջեն, սակայն բռնագանձման ցանկում է ներառվել ոստիկանությունից ստացած բնակարանը
ՀԱՄԱՍ-ը հայտարարել է, որ Իսրայելը 24 ժամվա ընթացքում երկրորդ անգամ հարվածել է Ջաբալիային
Քաղաքականություն
01.11.2023 | 22:20
ՀԱՄԱՍ-ի կողմից վերահսկվող Գազայի հատվածի բնակիչները հայտարարել են, որ Ջաբալիայի բնակելի շենքերը կրկին իսրայելական ավիահարվածների են ենթարկվել, գրում է BBC-ի ռուսական ծառայությունը։
Գազայի իշխանությունների պնդմամբ՝ հարվածի արդյունքում կան բազմաթիվ զոհվածներ ու վիրավորներ։ Այս պահին նրանց թիվն անհայտ է։
Ավելի վաղ Իսրայելի պաշտպանության բանակը հայտնել էր, որ իշխանությունները շարունակում են ցամաքից ու օդից ավիահարվածներ հասցնել ՀԱՄԱՍ ահաբեկչական խմբավորման ենթակառուցվածքներին, սպանված զինյալների թիվը տասնյակներով է։ Սրա հետ մեկտեղ, Ջաբալիան զինվորականների ուշադրության կենտրոնում է մնում, հայտնել են պաշտպանության բանակից։
Ջաբալիան Գազա քաղաքի ծայրամասում գտնվող տարածք է, որտեղ սերունդներով ապրել են 1948 թվականի պատերազմի ժամանակ Իսրայելից փախած պաղեստինցի ընտանիքները: Իսրայելցի զինվորականներն այն դիտարկում են որպես ՀԱՄԱՍ-ի զինյալ թևի հենակետ:
