26.06.2026 | 16:48
Մահացել է ՌԴ պաշտպանության նախկին նախարար Սերգեյ Իվանովը
Ֆրանսիայի մշակույթի նախարարն այցելել է «ԹՈՒՄՈ» Երևան
27.10.2023 | 22:37
Հայաստան այցի շրջանակում Ֆրանսիայի Հանրապետության մշակույթի նախարար Ռիմա Աբդուլ Մալաքի գլխավորած պատվիրակությունն այցելել է «ԹՈՒՄՈ» Երևան։ Ֆրանսիացի գործընկերներին ուղեկցել են ԿԳՄՍ փոխնախարարներ Արթուր Մարտիրոսյանը, Դանիել Դանիելյանը, Ալֆրեդ Քոչարյանը։
Այցելության կարևոր կանգառներից մեկը «ԹՈՒՄՈ»-ի եռաչափ սկանավորման բաժինն էր, որտեղ հյուրերը ծանոթացել են Հայաստանի և Արցախի պատմամշակութային հուշարձանների պահպանմանն ուղղված ընթացիկ աշխատանքներին:
Նախարարն ու պատվիրակության անդամները հանդիպել են նաև «ԹՈՒՄՈ»-ի տնօրեն Մարի Լու Փափազյանի, զարգացման գծով տնօրեն Բեկոր Փափազյանի և այլ ներկայացուցիչների հետ, որի ընթացքում խոսել են «ԹՈՒՄՈ»-ի միջազգային ընդլայնման գործում արձանագրված հաջողությունների մասին:
