17.08.2026 | 10:34
ՊԵԿ նախկին պաշտոնյայից պահանջվում է բռնագանձել անշարժ գույք, մեքենաներ և ավելի քան 194 մլն դրամ
«Տա՛փ արեք, հեսա կրակել տի». Բաղանիսում անցյալը թույլ չի տալիս մտածել ադրբեջանցիների հետ շփման մասին․ ՏԵՍԱՆՅՈՒԹ
Քաղաքականություն
27.10.2023 | 20:00
87-ամյա Ջհան Հարությունյանը Բաղանիսի վարելահողերը մշակելու ցանկություն ունի, միայն թե դրանք շուրջ 30 տարի է՝ օկուպացված են Ադրբեջանի կողմից։
Բաղանիսցիները նշում են՝ շուրջ 200 հեկտար հող մշակելու հնարավորությունից են զրկված․ ոչ միայն դաշտերը, այլև գյուղն է գտնվում թշնամու նշանառության տակ։
Մշտական խնդիրներին այս տարի ավելացել է անհաջող գյուղատնտեսական տարին․ բաղանիսցիները գոհ չեն բերքահավաքի արդյունքներից։ Նրանք արտերը բառի բուն իմաստով կյանքի գնով են վարում ու ցանում։ Վերջին տարիներին Բաղանիսի ուղղությամբ կրակոցներ չկան, սակայն հենց գյուղամիջում թշնամու դիպուկահարի կրակոցներից սպանությունների պատմությունները չեն մոռանում։
Բաղանիսցիները հիմա էլ մտահոգված են, այսպես կոչված, ադրբեջանական անկլավների թեմայից։ Այս խնդիրն օրակարգում հայտնվեց 44-օրյա պատերազմից հետո։ Մատնացույց են անում տարածքը, որտեղ նախկինում ադրբեջանցիներ են ապրել․ այն գտնվում է գյուղը դիտարկող բլրին։
Խաղաղության մասին երազող բաղանիսցիները Հայաստանի վարչապետից այս խնդիրի լուծման վերաբերյալ հստակ պարզաբանումներ են ակնկալում։ Փաշինյանը եկել է գյուղ ու հեռացել՝ առանց հույս տալու։
Փաշինյանի աջակից այս բաղանիսցին էլ կարծում է՝ Հայաստանի սահմանամերձ գյուղերն այս վիճակում չէին լինի, եթե տարիներ շարունակ չհարստանային երկիրը թալանելով։
Անվտանգային խնդիրները Բաղանիսում նաև հանգեցրել են արտագաղթի։
Մանրամասները՝ տեսանյութում։
Նարեկ Կիրակոսյան
