06.04.2026 | 17:12
«Մանչեսթեր Սիթիից» հաստատել են, որ Բերնարդու Սիլվան կհեռանա
Նախարարն ընդունել է Հայաստանում Վրաստանի դեսպանին, քննարկվել են երկկողմ հետաքրքրություն ներկայացնող տարածաշրջանային խնդիրներ
Տնտեսություն
25.07.2018 | 11:26
ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանն ընդունել է Հայաստանում Վրաստանի արտակարգ և լիազոր դեսպան Գիորգի Սագանելիձեին։
Ողջունելով հյուրին`նախարարը բարձր է գնահատել երկու երկրների միջև համագործակցության ամուր հիմքերը։
Հանդիպմանն անդրադարձ եղավ երկկողմ հետաքրքրություն ներկայացնող տարածաշրջանային խնդիրներին: Կողմերը քննարկեցին Բագրատաշենի կամրջի շինարարության ծրագրին վերաբերող մանրամասներ։
Նախարարն ու դեսպանը զրուցեցին նաև երկաթուղային փոխադրումներին առնչվող հարցերի շուրջ, մասնավորապես, Երևան-Բաթումի-Երևան երթուղին առավել բարեկարգ շարժակազմով սպասարկելու հնարավորությունների մասին։
Հանդիպման ընթացքում կողմերն անդրադարձել են նաև Լարսի ավտոճանապարհին, բեռնափոխադրումներին և ուղևորափոխադրումներին առնչվող մի շարք խնդիրների։
