18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Գրիգորի Մարտիրոսյանն ու Արծվիկ Մինասյանը քննարկել են տնտեսական համագործակցության առաջնահերթությունները
Տնտեսություն
24.07.2018 | 18:11
Հուլիսի 23-ին ՀՀ տնտեսական զարգացման և ներդրումների նախարար Արծվիկ Մինասյանին ընդունել է Արցախի պետական նախարար Գրիգորի Մարտիրոսյանը։
Արցախի պետնախարարը կարևորել է Արցախում և Հայաստանում տնտեսական զարգացման ծրագրերի և իրականացվող բարեփոխումների ներդաշնակեցումը։
Արծվիկ Մինասյանը, ներկայացնելով իր գլխավորած պատվիրակության արցախյան այցելության առաջնահերթությունները, տեղեկացրել է, որ դրանք ներառում են արցախյան արտադրանքի միջազգային արտահանմանը նպաստելը, որակի ենթակառուցվածքների (սերտիֆիկացում, հավատարմագրում) զարգացման հարցում փորձի փոխանակումը և աջակցությունը Արցախի զբոսաշրջային հնարավորությունների զարգացմանը։
Դրական գնահատելով նման ձեռնարկումները՝ Գրիգորի Մարտիրոսյանը հատկապես կարևորել է փոքր եւ միջին ձեռնարկատիրության խթանման և զարգացման պետական ծրագրերի երկուստեք կատարելագործումը։ Որպես այս հարցում կիրառական լուծման օրինակ՝ կողմերը քննարկել են արցախյան սերտիֆիկացման ծառայությունների ինտեգրումը ՀՀ համապատասխան կառույցներին։
