25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Բաքուն ֆրանսիական ապրանքների ներմուծման սահմանափակումներ է մտցնում
Քաղաքականություն
17.10.2023 | 23:14
Նոյեմբերի 1-ից Ադրբեջանի սննդամթերքի անվտանգության գործակալությունը (AQTA) Ֆրանսիայից երկիր բարձր ռիսկային սննդամթերքի ներմուծման սահմանափակումներ է մտցնելու։
Ըստ AQTA-ի՝ ներմուծման համար բարձր ռիսկային կենդանական արտադրանքը պետք է հաստատվի գործակալության կողմից՝ հիմնվելով Ադրբեջանի օրենսդրության վրա։ Այս պահանջի շրջանակում AQTA-ն հանդիպումներ է անցկացրել մի շարք երկրներից սննդամթերքի ներմուծմամբ զբաղվող ընկերությունների ներկայացուցիչների հետ, այդ թվում՝ ֆրանսիական արտադրողների հետ աշխատող ընկերությունների:
Նշվում է, որ չնայած բազմաթիվ ծանուցումներին՝ ֆրանսիական ձեռնարկությունները, իբր, համապատասխան խնդրանքով չեն դիմել AQTA-ին։
«Հետևաբար, 2023 թվականի նոյեմբերի 1-ից կկիրառվեն թույլտվության համար չդիմած ֆրանսիական ձեռնարկություններում արտադրված բարձր ռիսկային սննդամթերքի ներմուծման սահմանափակումները»,- ասվում է հայտարարության մեջ։
Հակաֆրանսիական քաղաքականության շրջանակում ընդունված այս որոշման ֆոնին հարց է առաջանում՝ արդյո՞ք Ադրբեջանի նախագահ Իլհամ Ալիևն ու նրա ընտանիքի անդամները հրաժարվելու են ֆրանսիական ապրանքների օգտագործումից ու դրանց ներկրումից՝ հաշվի առնելով, որ Ալիևների ընտանիքի խմելու ջրից մինչև սնունդը ներկրվում է Ֆրանսիայից։
Էմմա Չոբանյան
