07.10.2026 | 23:48
Արթուր Դանիելյանը կալանավորվեց
Քննարկվել է Հայաստանում ճանապարհաշինական և դպրոցաշինական ծրագրերում հնդկական կողմի մասնակցության հնարավորությունը
Հասարակություն
16.10.2023 | 22:40
Հոկտեմբերի 16-ին Հնդկաստանի hամաշխարհային ծովային գագաթնաժողովի (GMIS 2023) մասնակցության շրջանակներում Մումբայում գտնվող ՀՀ ՏԿԵ նախարար Գնել Սանոսյանը հանդիպել է Հնդկաստանի արտահանման-ներկրման բանկի (Export-Import Bank of India) գլխավոր մենեջեր Նիրմիթ Վեդի (Nirmit Ved) հետ։
ՏԿԵ նախարարությունից տեղեկացնում են, որ հանդիպմանը ներկա են եղել նաև Մումբայ ժամանած հայաստանյան պատվիրակության անդամ, ՀՀ ԱԳ նախարարի տեղակալ Մնացական Սաֆարյանը, ինչպես նաև Հնդկաստանում ՀՀ դեսպան Վահագն Աֆյանը։
«Քննարկվել են Հայաստանի Հանրապետությունում ենթակառուցվածքային մի շարք ծրագրերի, մասնավորապես՝ ճանապարհաշինական և դպրոցաշինական ծրագրերում հնդկական կողմի ֆինանսական, խորհրդատվական և շինարարական մասնակցության գործնական հնարավորությունները։
Պայմանավորվածություն է ձեռք բերվել գործնական քննարկումները շարունակել նաև հնդկական ընկերությունների տեխնիկատնտեսական հիմնավորումների և ծրագրերի նախագծերի կազմման հնարավորությունների շուրջ»,- ասված է հաղորդագրության մեջ։
