20.06.2026 | 23:35
ԱԱ-2026. Նիդերլանդները 5 գոլ խփեց Շվեդիային. ՏԵՍԱՆՅՈՒԹ
Ռուս խաղաղապահները Ղարաբաղում պետք է լինեն մինչև 2025թ., հարցը քննարկվում է. Պուտին
Քաղաքականություն
13.10.2023 | 18:52
ՌԴ նախագահ Վլադիմիր Պուտինը Բիշքեկում ԱՊՀ երկրների ղեկավարների գագաթնաժողովին հաջորդած ճեպազրույցում ասել է, որ պաշտոնապես ռուս խաղաղապահները պետք է Ղարաբաղում մնան մինչև 2025 թվականի նոյեմբերը։
«Պաշտոնապես մեր խաղաղապահները լինելու են այնտեղ մինչև 2025 թվականի նոյեմբերը, և մենք, իհարկե, գործընկերների հետ երկխոսության ընթացքում պետք է որոշենք և լուծենք այն հարցը, թե ինչ և ինչպես ենք անելու մոտ ապագայում։ Բայց դա կորոշենք բանակցությունների ընթացքում»,- ասել է Պուտինը։
Նա նաև նշել է, թե ՌԴ-ն պատրաստ է նպաստել Բաքվի և Երևանի միջև բանակցությունների վերսկսմանը։
«Ես այսօր խոսել եմ այդ մասին։ Ես ասել եմ, որ մենք պատրաստ ենք, կնպաստենք բանակցությունների վերսկսմանը՝ խաղաղության պայմանագրի ստորագրման հույսով։ Առաջարկել ենք բոլոր գործընկերներին հավաքվել Մոսկվայում։ Վարչապետ Փաշինյանն այդ մասին գիտի, ես նրան ասել եմ, Ադրբեջանի նախագահն էլ գիտի այս մասին»,- ասել է ՌԴ նախագահը։
Պուտինը հավելել է, թե խնդիրներ չի տեսնում, որոնք կարող էին «խանգարել խաղաղության պայմանագրի կնքմանը Ղարաբաղում տեղի ունեցած իրադարձություններից հետո»։
Էմմա Չոբանյան
