24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ադրբեջանը պետք է անհապաղ քայլեր ձեռնարկի՝ ցույց տալու իր կամքը հայերի ապահով վերադարձի և իրավունքների պաշտպանության հարցում. ԵԽԽՎ պատգամավոր
Քաղաքականություն
12.10.2023 | 20:44
Լեռնային Ղարաբաղում հումանիտար իրավիճակի մասին ԵԽԽՎ-ում անցկացված լսումների ընթացքում զեկուցող Աջուկովիչը նշել է, որ Լեռնային Ղարաբաղից հայերի հեռացման հարցում Վեհաժողովը չի կարող անտարբերություն դրսևորել։
Նա նշել է, որ Ադրբեջանի իշխանությունները ունեն պարտականություն՝ ապահովելու այնտեղ ապրողների պաշտպանությունն ու անվտանգությունը։
«Տխուր է տեսնել հայերի զանգվածային հեռացումը 30 տարվա հակամարտության ու 10 ամսվա հումանիտար ճգնաժամի հետևանքով»,- ասել է պատգամավորը։
Նա նշել է, թե «Լեռնային Ղարաբաղն Ադրբեջանի մաս է», սակայն դա Բաքվին չի ազատում պատասխանատվությունից։
«Տարածքի նկատմամբ ինքնիշխանությունը բերում է նաև պատասխանատվության։ Ադրբեջանը պետք է անհապաղ քայլեր ձեռնարկի՝ ցույց տալու իր կամքը հայերի ապահով վերադարձի ու իրավունքների պաշտպանության հարցում, որոնք ցանկանում են վերադառնալ»,- նշել է պատգամավորը։
Նա նաև ասել է, որ միջազգային կազմակերպությունները չեն կարող մուտք գործել տարածք և հույս է հայտնել, որ ՄԱԿ-ից հետո այլ միջազգային կառույցներ կկարողանան լինել տարածաշրջանում և տեղում դիտարկել իրավիճակը։
Էմմա Չոբանյան
