24.07.2026 | 18:00
Ակնկալում ենք, որ Հայաստանի հետ ավելի մեծ առևտուր կլինի. Եվրահանձնաժողովի խոսնակ․ ՏԵՍԱՆՅՈՒԹ
Ալիևը փորձում է արդարացնել Արցախում էթնիկ զտումը
Քաղաքականություն
11.10.2023 | 18:14
Ադրբեջանի նախագահ Իլհամ Ալիևը ԱՊՀ անդամ երկրների անվտանգության մարմինների և հատուկ ծառայությունների ղեկավարների խորհրդի 53-րդ նիստի մասնակիցներին հետ հանդիպմանն անդրադարձել է ԼՂ-ում իրավիճակին և Բաքվի սանձազերծած ագրեսիայի հետևանքով արձանագրված էթնիկ զտմանը՝ բողոքելով իրադարձությունների վերաբերյալ արևմտյան մամուլի արձագանքից։
«Ես կասեի, որ դա միակողմանի է, կողմնակալ և բացարձակապես չի արտացոլում խնդրի պատմությունը կամ այսօրվա իրողությունները»,-ասել է Ադրբեջանի նախագահը։
Նա հայտարարել է, թե «մեկ օրից էլ քիչ տևած գործողության արդյունքում հայկական բանակը Ղարաբաղում ամբողջությամբ զինաթափվել է»։ Ալիևը պնդել է, թե ԼՂ-ում «այժմ էլ զինված խմբեր կան»։
«Այսօր ընթանում է խմբերից տարածքների մաքրման գործընթացը։ Մեր տվյալներով՝՝ այս տարածքում դեռևս կան որոշակի խմբեր թաքնված։ Սեպտեմբերի 20-ից հետո Ղարաբաղում զինված սադրանքներ եղան։ Տարածքը բավականին մեծ է, լեռնային և անտառապատ, ուստի մեզ ժամանակ կպահանջվի՝ տարածքը խմբերից ամբողջությամբ մաքրելու համար»,-ասել է Ալիևը։
Նշենք, որ Արցախն ամբողջությամբ հայաթափված է, այնտեղ մնացած հայերի թիվը, ըստ տարբեր տեղեկությունների՝ չի գերազանցում 100-ը, այնպես որ Ադրբեջանի նախագահի հայտարարություններն անհիմն են։
