16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Իսրայելի դեմ հարձակումները Գերմանիայի փողոցներում տոնելն անընդունելի է․ Շոլց
Քաղաքականություն
08.10.2023 | 22:00
Գերմանիայի կանցլեր Օլաֆ Շոլցը կիրակի օրը ելույթ է ունեցել Իսրայելի վրա պաղեստինյան խմբավորումների հարձակումների կապակցությամբ՝ դրանք անվանելով բարբարոսություն․ հաղորդում է ՌԻԱ Նովոստին։
«Իսրայելի դեմ գործողությունները բարբարոսական են և աղաղակող, դրանք արդարացում չունեն։
Մեզ համար նաև անընդունելի է, որ Իսրայելի դեմ նողկալի հարձակումները տոնվում են այստեղ՝ մեր փողոցներում: Այդքան մարդկանց տառապանքները, ավերածությունները ու մահերը ոչ մեկի համար տոնի առիթ չեն կարող լինել»,- ասել է Շոլցն իր ելույթում։
Շոլցը նաև հայտարարել է, որ, ի նշան համերաշխության, նախագահական պալատի, խորհրդարանի շենքի և Գերմանիայի կանցլերի գրասենյակի վրա բարձրացվել են Իսրայելի դրոշներ։ Բացի այդ, Գերմանիայում ուժեղացվել են Իսրայելի հաստատությունների պաշտպանությանն ուղղված միջոցառումները։
