11.08.2026 | 22:12
Վաշինգտոնում կայացել է Հայաստանի, Ադրբեջանի և ԱՄՆ բարձրաստիճան դիվանագետների եռակողմ հանդիպումը
ՄԻՊ աշխատակազմի և Տարածքային կառավարման և զարգացման նախարարության միջև համատեղ աշխատանքի նոր պրակտիկա է ձևավորվել
Հասարակություն
23.07.2018 | 11:02
Մարդու իրավունքների պաշտպանի աշխատակազմի և Տարածքային կառավարման և զարգացման նախարարության միջև համատեղ աշխատանքի նոր պրակտիկա է ձևավորվել. տեղեկացբնում է ՄԻՊ աշխատակազմի լրատվական ծառայությունը:
Նախարարության հետ տեղի են ունենում պարբերական խորհրդակցություններ, քննարկվում են մարզային խնդիրները, Պաշտպանին հասցեագրված բողոքների լուծման ուղղությունները։ Իրականացվում են նաև այցեր սահմանամերձ համայնքներ՝ տեղում ծանոթանալու մարդկանց խնդիրներին։
Մասնավորապես, վերջերս Արարատի, Գեղարքունիքի և Վայոց ձորի մարզեր Պաշտպանի կատարած այցերի ժամանակ քաղաքացիները ներկայացրել են և´ համակարգային, և´ անհատական բնույթի հարցեր։ Դրանք վեր են հանվել և ուղարկվել իրավասու պետական մարմիններին։
Մարդու իրավունքների պաշտպանը բարձր է գնահատում Տարածքային կառավարման և զարգացման նախարարի պատրաստակամությունն իր իրավասությունների շրջանակում խնդիրներին լուծում տալու հարցում։
