14.11.2024 | 21:13
Կտրականապես մերժում ենք անհիմն տեսակետները․ Նիդերլանդների ԱԳՆ-ն արձագանքել է Ալիևի մեղադրանքներին
Շփման գծում լարվածության միակ պատասխանատուն Ադրբեջանն է. Շարմազանով
Քաղաքականություն
06.07.2017 | 23:00
Շփման գծում լարվածության միակ պատասխանատուն Ադրբեջանն է։ Այդ մասին այսօր՝ հուլիսի 6-ին ՀՀԿ ԳՄ նիստից հետո լրագրողների հետ զրույցում ասել է ՀՀԿ մամուլի քարտուղար Էդուարդ Շարմազանովը։
Շարմազանովի խոսքով՝ Լեռնային Ղարաբաղի հակամարտության խաղաղ կարգավորման բանակցություններում Ադրբեջանը մտել է փակուղի և շփման գծում լարվածություն առաջացնելու առիթներ է փնտրում:
«Երկու կողմերի բոլոր զոհերի պատասխանատուն եւ մեղավորը Ադրբեջանի քաղաքական ղեկավարությունն է։ Երեկվա դեպքի հետ կապված էլ նույնը կասեմ, որ միակ մեղավորը դա Ադրբեջանի ռազմաքաղաքական ղեկավարությունն է․ Անթույլատրելի է սեփական քաղաքացիներին դարձնել վահան, ապա թաքնվել նրանց թիկունքում՝ փորձելով քո սեփական ահաբեկչական էությունը քողարկել»,- նշել է Շարմազանովը:
ԱԺ փոխնախագահը չի բացառում, որ Ադրբեջանի վերջին օրերի պահվածքը կարող է կապված լինել բուլղարական մամուլում հայտնված սկանդալային բացահայտման հետ՝ Ադրբեջանի կողմից ահաբեկիչներին զենք մատակարարելու վերաբերյալ:
